ନୂଆଦିଲ୍ଲୀ: ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ବିରାମକୁ ଆଉ ଦୁଇ ଦିନ ପାଇଁ ବଢାଯାଇଛି । ମଧ୍ୟସ୍ଥି ଭୂମିକାରେ ଥିବା କତର ଏହି ସୂଚନା ଦେଇଛି । ଗାଜାରେ ଚାରି ଦିନ ଯୁଦ୍ଧ ବିରାମ ପାଇଁ ଇସ୍ରାଏଲ ଘୋଷଣା କରିଥିଲା । ଯାହା ମଙ୍ଗଳବାର ଶେଷ ହୋଇଥାନ୍ତା ।

କତର ବିଦେଶ ମନ୍ତ୍ରାଳୟର ମୁଖପାତ୍ର ମାଜିଦ ଅଲ ଅଂସାରୀ ଏକ୍ସରେ ଲେଖିଛନ୍ତି, 'ମଧ୍ୟସ୍ଥି ରୂପେ କତର ରାଜ୍ୟ ଘୋଷଣା କରୁଛି ଯେ ଗାଜା ପଟ୍ଟିରେ ମାନବୀୟ ସଂଘର୍ଷ ବିରାମକୁ ଅତିରିକ୍ତ ଦୁଇ ଦିନ ଯାଏଁ ବଢାଇବା ଉପରେ ସହମତି ହୋଇଛି'।

wp:html

The State of Qatar announces, as part of the ongoing mediation, an agreement has been reached to extend the humanitarian pause for an additional two days in the Gaza Strip.

— د. ماجد محمد الأنصاري Dr. Majed Al Ansari (@majedalansari) November 27, 2023

/wp:html

ଯୁଦ୍ଧ ବିରାମ ସମୟରେ ଓ ଏହା ପୂର୍ବରୁ ଆମେରିକା ଏବଂ ମିଶର ସମର୍ଥନରେ ଗାଜାରେ ଶାନ୍ତି ସ୍ଥାପନ ପାଇଁ କତର ଆଲୋଚନା ଜାରି ରଖିଛି । ସଂଘର୍ଷ ଆରମ୍ଭ ପରେ ପ୍ରଥମ ଯୁଦ୍ଧ ବିରାମରେ ୫୦ ଇସ୍ରାଏଲୀ ବନ୍ଦୀ ନାଗରିକଙ୍କୁ ମୁକ୍ତ କରାଯିବା ବଦଳରେ ଇସ୍ରାଏଲ ଦ୍ୱାରା ବନ୍ଦୀ ଥିବା ୧୫୦ ଫିଲିସ୍ତିନୀଙ୍କୁ ମୁକ୍ତ କରାଯିବା ପାଇଁ ସହମତି ହୋଇଥିଲା । ଏହାସହ ଗାଜାରେ ମାନବୀୟ ସହାୟତା ପାଇଁ ଅନୁମତି ଦିଆଯାଇଥିଲା ।

ପ୍ରଥମ ତିନି ଦିନରେ ଉଭୟ ପକ୍ଷ ବୁଝାମଣା ଅନୁସାରେ ଇସ୍ରାଏଲ ଜଲରେ ବନ୍ଦୀ ୧୧୭ ଫିଲିସ୍ତିନୀଙ୍କ ବଦଳରେ ହମାସ ଦ୍ୱାରା ୩୯ ଇସ୍ରାଏଲୀଙ୍କୁ ମୁକ୍ତ କରାଯାଇଛି । ଅକ୍ଟୋବର ୭ରେ ହମାସ ଆତଙ୍କବାଦୀ ଇସ୍ରାଏଲ ଇତିହାସର ସବୁଠୁ ବଡ଼ ଆକ୍ରମଣ କରିଥିଲେ । ଏହି ଆକ୍ରମଣରେ ଇସ୍ରାଏଲର ୧୪୦୦ ନାଗରିକଙ୍କ ମୃତ୍ୟୁ ହୋଇଥିଲା । ଏହାର ପ୍ରତିଜବାବରେ ଇସ୍ରାଏଲ ପକ୍ଷରୁ ଘାତକ ଆକ୍ରମଣ କରାଯାଇଥିଲା । ହମାସ ଶାସିତ ଗାଜା ଉପରେ ଇସ୍ରାଏଲ ଆକାଶ ଓ ସ୍ଥଳ ଭାଗରୁ ଆକ୍ରମଣ କରିଥିଲା । ଗାଜା ସ୍ୱାସ୍ଥ୍ୟ ମନ୍ତ୍ରାଳୟ ଅନୁସାରେ ଏଥିରେ ୧୫,୦୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି ।

Also Read: ଗାଜାରେ ପହଞ୍ଚି ସେନାଙ୍କୁ ଭେଟିଲେ ନେତାନ୍ୟାହୁ, କହିଲେ- ଇସ୍ରାଏଲକୁ କେହି ଅଟକାଇ ପାରିବେ ନାହିଁ