ନୂଆଦିଲ୍ଲୀ: ଆର୍ଏସଏସ ନେତାଙ୍କ ଗିରଫ ଦାବୀକୁ ନେଇ ରାସ୍ତାକୁ ଓହ୍ଲାଇଲେ ଖ୍ରୀଷ୍ଟିଆନ ସମ୍ପ୍ରଦାୟ। ପୂର୍ବତନ ଗୋଆ ଆର୍ଏସଏସ ମୁଖ୍ୟ ସୁଭାଷ ଭେଲିଙ୍ଗର କ୍ୟାଥୋଲିକ ମିଶନାରୀ ସେଣ୍ଟ ଫ୍ରାନ୍ସିସ୍ ଜାଭିଅରଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିବା ଅଭିଯୋଗ କରି ରବିବାର ଗୋଆରେ ଆନ୍ଦୋଳନ ତେଜିଛି। ଖ୍ରୀଷ୍ଟିଆନ ସମ୍ପ୍ରଦାୟ ସୁଭାଷ ଭେଲିଙ୍ଗରଙ୍କର ଗିରଫ ଦାବି କରିଛନ୍ତି।
ଭେଲିଙ୍ଗକରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ଥାନୀୟ ଲୋକେ ତଥା ରାଜନୈତିକ ନେତାମାନେ ପୁରୁଣା ଗୋଆରେ ଏକ ବିକ୍ଷୋଭ ପ୍ରଦର୍ଶନ କରିଥିଲେ। ଭେଲିଙ୍ଗରଙ୍କୁ ବିରୋଧ କରୁଥିବା ଲୋକଙ୍କୁ ଶ୍ୱର ଉଠାଇ ଏକାଠି ବାହାରିବାକୁ ବିକ୍ଷୋଭକାରୀମାନେ ଆହ୍ୱାନ ଦେଇଥିଲେ। ଶନିବାର ବିଳମ୍ବିତ ରାତିରେ, ଶନିବାର ବିଳମ୍ବିତ ରାତିରେ ବିକ୍ଷୋଭକାରୀଙ୍କର ଏକ ଗୋଷ୍ଠୀ ମାରଗାଓରେ ଏକ ଜାତୀୟ ରାଜପଥ ଅବରୋଧ କରି ପୋଲିସ ସହ ମୁହାଁମୁହିଁ ହୋଇଥିଲେ। ଘଟଣାରେ ୫ଜଣ ବିକ୍ଷୋଭକାରୀଙ୍କୁ ଅଟକ ରଖାଯାଇଥିଲା। ଇତିମଧ୍ୟରେ ଗୋଆ ଚର୍ଚ୍ଚ କର୍ତ୍ତୃପକ୍ଷ ଶାନ୍ତି ଏବଂ ସଂଯମତା ରକ୍ଷା କରିବାକୁ ଆହ୍ୱାନ ଦେଇଛନ୍ତି।
ଘଟଣା ବିଷୟରେ ପ୍ରତିକ୍ରିୟା ପ୍ରକାଶ କରି ରାହୁଲ ଗାନ୍ଧୀ ବିଜେପିକୁ ଦାୟୀ କରିଛନ୍ତି। “ଜାଣିଶୁଣି ସାମ୍ପ୍ରଦାୟିକ ତିକ୍ତତା ସୃଷ୍ଟି କରିଛନ୍ତି” ବୋଲି ରାହୁଲ କହିଛନ୍ତି। ବିଜେପି ଶାସନରେ ଗୋଆର ସାମ୍ପ୍ରାଦାୟିକ ସଦଭାବନା ବିଗୁଡ଼ୁଛି ବୋଲି ରାହୁଲ କହିଥିଲେ। ରାହୁଲ ଏକ୍ସରେ ପୋଷ୍ଟ କରି ଲେଖିଛନ୍ତି “ବିଜେପି ଜାଣିଶୁଣି ସାମ୍ପ୍ରଦାୟିକ ତିକ୍ତତା ସୃଷ୍ଟି କରୁଛି। ଜଣେ ପୂର୍ବତନ ଆରଏସଏସ ନେତା ଖ୍ରୀଷ୍ଟିଆନ ଏବଂ ସଂଗ ସଂଗଠନକୁ ମୁସଲମାନମାନଙ୍କୁ ଆର୍ଥିକ ବୟକଟ କରିବାକୁ ଆହ୍ୱାନ ଦେଇଛନ୍ତି। ସମଗ୍ର ଭାରତରେ, ସଂଘ ପାରିବାରର ଦ୍ୱାର ବିନା ବାଧାବିଘ୍ନରେ ଏଭଳି କାର୍ଯ୍ୟ ଜାରି ରହିଛି। ଯାହାକୁ ଉଚ୍ଚ ସ୍ତରରେ ସମର୍ଥନ ମିଳୁଛି।”
ସେ ଆହୁରି କହିଛନ୍ତି “ଗୋଆ ଏବଂ ସମଗ୍ର ଭାରତର ଲୋକମାନେ ଏହି ବିଭାଜନକାରୀ ଏଜେଣ୍ଡା ମାଧ୍ୟମରେ ଏକଜୁଟ ହୋଇ ଠିଆ ହୋଇଛନ୍ତି। ” ଗୋଆର ଆର୍କଡିଓସିସ୍ ର ସମାଜ ସେବା ଶାଖା କାଉନସିଲ୍ ଫର୍ ସୋସିଆଲ୍ ଜଷ୍ଟିସ୍ ଆଣ୍ଡ ପିସ୍ (CSJP) ଏକ ବିବୃତ୍ତି ଜାରି କରିଛି। ଗୋଆନ୍ କ୍ୟାଥୋଲିକ୍ ସମ୍ପ୍ରଦାୟ ଭେଲିଙ୍ଗକରଙ୍କ ଅପମାନଜନକ ମନ୍ତବ୍ୟକୁ ସଂସ୍ଥା ନିନ୍ଦା କରିଛି। ଭେଲିଙ୍ଗର ଜାଣିଶୁଣି ଗୋଆର ସାମ୍ପ୍ରଦାୟିକ ଶାନ୍ତି ନଷ୍ଟ କରିବାକୁ ଚେଷ୍ଟା କରିଛନ୍ତି। ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ କରାଯାଉ ବୋଲି ସଂସ୍ଥା ଦାବି କରିବା ସହ ଆନ୍ଦୋଳନରୁ ଓହରି ରାଜ୍ୟରେ ଶାନ୍ତି କାଏମ ରଖିବାକୁ ସଂଗଠନ ଅପିଲ କରିଛି।
ଘଟଣାରେ ଭେଲିଙ୍ଗକରଙ୍କ ବିରୋଧରେ ୧୨ ରୁ ଅଧିକ ମାମଲା ଦାୟର କରାଯାଇଛି। ହେଲେ ଏପର୍ଯ୍ୟନ୍ତ ସେ ଗିରଫ ହୋଇ ନାହାନ୍ତି। ସେ ଶନିବାର ଦିନ ସ୍ଥାନୀୟ କୋର୍ଟରେ ଆଗୁଆ ଜାମିନ ଆବେଦନ କରିଥିଲେ। ଗିରଫରୁ ତାଙ୍କୁ ମଧ୍ୟଭର୍ତ୍ତୀକାଳୀନ ସୁରକ୍ଷା ଦେଇପାରିବେ ନାହିଁ ବୋଲି କୋର୍ଟ କହିବା ସହିତ ପରବର୍ତ୍ତି ଶୁଣାଣି ସୋମବାରକୁ ଘୁଞ୍ଚାଇ ଦେଇଛନ୍ତି।
