ବ୍ରହ୍ମପୁର: ବ୍ରହ୍ମପୁର ଟାଉନ ଥାନା ଅନ୍ତର୍ଗତ ଗାନ୍ଧିନଗର ଦ୍ଵିତୀୟ ଲାଇନ ଅମ୍ବିକାନଗରର ରଙ୍କ ସେଠୀ ହତ୍ୟାକାଣ୍ଡ ଘଟଣାର ରାୟ ପ୍ରକାଶ ପାଇଛି। ଅଭିଯୁକ୍ତ ଵାପିନୀ ସାହୁଙ୍କୁ ଦୋଷୀ ସାବ୍ୟସ୍ତ କରିବା ସହ ଆଜୀବନ କାରାଦଣ୍ଡ ରାୟ ଶୁଣାଇଛନ୍ତି ଜିଲ୍ଲା ଦୌରା ଜଜ୍ ରୁପଶ୍ରୀ ଚୌଧୁରୀ। ଘଟଣାରେ ସମସ୍ତ ସାକ୍ଷୀ ପ୍ରମାଣକୁ ଭିତ୍ତି କୋର୍ଟ ଏହି ରାୟ ଶୁଣାଇଛନ୍ତି। 

୨୦୨୩ ମସିହା ଡିସେମ୍ବର ମାସରେ ଏହି ହତ୍ୟାକାଣ୍ଡ ହୋଇଥିଲା। ବିଚ୍ ରାସ୍ତାରେ ବୟସ୍କ ରଙ୍କ ସେଠୀଙ୍କ ଗଳା କାଟି ହତ୍ୟା କରିଥିଲା ଦୋଷୀ ହରିହର ଓରଫ ବାପିନୀ ସାହୁ। ସୂଚନା ଅନୁସାରେ, ରଙ୍କ ଓ ହରିହର ମଧ୍ୟରେ କୌଣଶି କଥାକୁ ନେଇ କଥା କଟାକଟି ସହିତ ଗାଳିଗୁଲଜ ହୋଇଥିଲା। ଏକଥାକୁ କେନ୍ଦ୍ରକରି ହରିହର ରଙ୍କଙ୍କ ଉପରେ ରାଗ ସୁଝାଇବାକୁ ଯାଇ ଏହି ହତ୍ୟାକାଣ୍ଡ ଘଟାଇଥିଲେ।

ପଢନ୍ତୁ- କାଦୁଅ ପାଇଁ ଜାତୀୟ ରାଜପଥ ଜାମ୍, ଆଡମିଟ୍ କାର୍ଡ ଆଣିବା ପାଇଁ ୧୦ କିଲୋମିଟର ଚାଲିଲେ ଛାତ୍ରଛାତ୍ରୀ

ହତ୍ୟାକାଣ୍ଡ ଘଟିବା ଦିନ ଭୋରରୁ ରଙ୍କ ଚା’ ପିଇବାକୁ ଯାଉଥିବା ବେଳେ ରାସ୍ତାରେ ତାଙ୍କୁ ହରିହର ଏକ ଛୁରିରେ ଭୁସି ହତ୍ୟା କରିଥିଲା। ଏହି ଘଟଣାରେ ଅଭିଯୋଗ ହେବା ପରେ ଟାଉନଥାନା ପୋଲିସ ଏସଂକ୍ରାନ୍ତରେ ଏକ ମାମଲା ରୁଜୁ କରିଥିଲା। ଉକ୍ତ ଥାନାର ତତ୍କାଳୀନ ଏସଆଇ ତଥା ତଦନ୍ତକାରୀ ଅଧିକାରୀ ସିଲୁ ଧଳ ଘଟଣାର ତଦନ୍ତ କରି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ। ସୋମବାର ଦୋଷୀଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ଜିଲ୍ଲା ଦୌରା ଜଜ୍।

ସୋମବାର ସମସ୍ତ ସାକ୍ଷୀ ଓ ପ୍ରମାଣକୁ ଭିତ୍ତି କରି ବିଚାରପତି ରାୟ ଶୁଣାଣିଥିଲେ। ପ୍ରତ୍ୟେକ୍ଷଦର୍ଶୀଙ୍କ ବୟାନ ଓ ପୋଲିସ ପକ୍ଷରୁ ଦାଖଲ ହୋଇଥିବା ଚାର୍ଜସିଟ ଆଧାର କରି ଜଜ ଉପରୋକ୍ତ ରାୟ ଦେଇଛନ୍ତି। ସରକାରଙ୍କ ପକ୍ଷରୁ ପବ୍ଲିକ ପ୍ରସିକ୍ୟୁଟର (ପିପି) ତ୍ରିଲୋଚନ ପରିଡା ମକଦ୍ଦମା ପରିଚାଳନା କରିଥିଲେ।