କଳାହାଣ୍ଡି ୧୬/୧୨: ହାଇୱା ଧକ୍କାରେ ଶିଶୁ ମୃତ, ବାପା ଗୁରୁତର । କ୍ଷତିପୂରଣ ଦାବିରେ ରାସ୍ତାରୋକ । ରବିବାର ସଂଧ୍ୟା ସମୟ । କୋକସରା ଥାନା ଡହଗାଁ ହାଇସ୍କୁଲ ନିକଟରେ ବାଇକକୁ ଧକ୍କା ଦେଇଥିଲା ହାଇୱା । ଧର୍ମଗଡ ଶାଗବେହେଲି ଗାଁର ହୃଷିକେଶ ନାୟକ, ୬ ବର୍ଷର ପୁଅକୁ ଧରି ବାଇକରେ ଡଙ୍ଗରୀଗୁଡା ସ୍ଥିତ ଶ୍ବଶୁର ଘରକୁ ଯାଉଥିବାବେଳେ ଧକ୍କା ଦେଇଥିଲା ବାଇକ ।
ଘଟଣାସ୍ଥଳରେ ପୁଅର ମୃତ୍ୟୁ ହୋଇଯାଇଥିଲା । ହୃଷିକେଶଙ୍କୁ ସଙ୍କଟାପନ୍ନ ଅବସ୍ଥାରେ ବିଶାଖାପାଟଣା ସ୍ଥାନାନ୍ତର କରାଯାଇଛି । କ୍ଷତିପୂରଣ ଦାବିରେ ସୋମବାର ହୃଷିକେଶଙ୍କ ପରିବାର ଓ ଶାଗବେହେଲି ଗାଁ ଲୋକ ରାସ୍ତା ଅବରୋଧ କରିଛନ୍ତି । ୧୨ ଘଣ୍ଟାରୁ ଅଧିକ ସମୟ ଧରି ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି । ଘଟଣାସ୍ଥଳରେ କୋକସରା ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ ମଧ୍ୟ କିଛି ସମାଧାନ ହୋଇପାରିନି । କ୍ଷତିପୂରଣ ସହ ଦୁର୍ଘଟଣା ଘଟାଇଥିବା ହାଇୱା ଡ୍ରାଇଭରକୁ ଧରିବାକୁ ଅଡି ବସିଛନ୍ତି ମୃତକଙ୍କ ପରିବାର ଓ ଗାଁ ଲୋକ ।
