ନୂଆଦିଲ୍ଲୀ: ହିଟ୍ଓ୍ବେଭର ସର୍ଜିକାଲ୍ ଷ୍ଟ୍ରାଇକ୍ । ଉତ୍ତର ଭାରତରେ ପ୍ରବଳ ଗ୍ରୀଷ୍ମ ପ୍ରଭାବ । ତାପମାତ୍ରା ରେକର୍ଡ ପାର୍ କରିଛି । ଝାଞ୍ଜି ପବନରେ ଅସ୍ତବ୍ୟସ୍ତ ଜନଜୀବନ । ଲୁ’ ମାରିବା ଯୋଗୁ ୟୁପି ଓ ବିହାରରେ ଶହେରୁ ଅଧିକ ପ୍ରାଣ ହରାଇଲେଣି । ଉତ୍ତର ପ୍ରଦେଶର ବଲିଆ ଜିଲ୍ଲାରେ ଗତ ୪ଦିନ ମଧ୍ୟରେ ୫୭ଜଣ ଲୋକଙ୍କ ମୃତ୍ୟୁ ହୋଇଛି । ହେଲେ ସରକାରୀଭାବେ ଏତେ ସଂଧ୍ୟାରେ ମୃତ୍ୟୁ ହୋଇଥିବା ଘୋଷଣା କରାଯାଇନାହିଁ । ସେପଟେ ରାଜ୍ୟ ପରିବହନ ମନ୍ତ୍ରୀ ଦୟାଶଙ୍କର ସିଂହ କହିଛନ୍ତି, ପ୍ରଚଣ୍ଡ ଖରାରେ ଲୁ’ ମାରିବା ଯୋଗୁ ଅଧିକାଂଶ ଲୋକଙ୍କ ମୃତ୍ୟୁ ହୋଇଛି । ଏପଟେ ରବିବାର ରାଜ୍ୟ ସ୍ବାସ୍ଥ୍ୟ ବିଭାଗ ଏକ କମିଟି ଗଠନ କରି ଯାଞ୍ଚ ଆରମ୍ଭ କରିଛି ।
{"id":805566,"sizeSlug":"full","linkDestination":"none"}![](https://www.prameyanews7.com/wp-content/uploads/2023/06/FASDFASDASA.png)
ବାଲିଆ ଜିଲ୍ଲାରେ ଭୀଷଣ ଗରମ ଯୋଗୁ ଲୁ’ କହର ଜାରି ରହିଛି । ଗତ ଚାରି ଦିନରେ ୫୭ ଜଣଙ୍କ ମୃତ୍ୟୁ ହୋଇଛି। ସେହିପରି ୪୦୦ରୁ ଅଧିକ ଲୋକ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏତେ ସଂଖ୍ୟାରେ ମୃତ୍ୟୁକୁ ନେଇ ରାଜ୍ୟ ସ୍ବାସ୍ଥ୍ୟମନ୍ତ୍ରାଳୟ ଏକ ଟିମ୍ ଗଠନ କରି ଯାଞ୍ଚ ଆରମ୍ଭ କରିଛି । କେଉଁ କାରଣରୁ ମୃତ୍ୟୁ ହୋଇଛି ଜଳବାୟୁ ବିଭାଗ ସ୍ଥାନୀୟ ଅଞ୍ଚଳରୁ ପାଣିର ନମୂନା ସଂଗ୍ରହ କରି ପରୀକ୍ଷା ପାଇଁ ପଠାଇଛି । ଅନ୍ୟପଟେ ବାଲିଆ ଜିଲ୍ଲା ମୁଖ୍ୟ ଚିକିତ୍ସା ଅଧିକ୍ଷକ ସ୍ତରର ଜଣେ ଡାକ୍ତର ହିଟଓ୍ବେଭ୍ ଯୋଗୁ ଲୋକଙ୍କ ମୃତ୍ୟୁ ହୋଇଛି ବୋଲି କହିଥିଲେ । ପରେ ତାଙ୍କୁ ପଦବୀରୁ ହଟାଇ ଦିଆଯାଇଛି ।
ଅନ୍ୟପଟେ ରାଜ୍ୟରେ ଏତେ ସଂଖ୍ୟାରେ ଲୋକଙ୍କ ମୃତ୍ୟୁ ନେଇ ବିରୋଧ ନେତା ଅଖିଳେଶ ସିଂହ ଯାବଦ ଯୋଗା ସରକାରଙ୍କୁ ଟାର୍ଗେଟ୍ କରିଛନ୍ତି । ସେ କହିଛନ୍ତି, ରାଜ୍ୟ ସରକାରଙ୍କ ଦାୟିତ୍ବହୀନତା ପାଇଁ ରାଜ୍ୟ ଲୋକ ପୋକମାଛି ପରି ମରୁଛନ୍ତି । ହିଟ୍ଓ୍ବେଭ ପାଇଁ ସ୍ବାସ୍ଥ୍ୟ ବିଭାଗ ସତର୍କତା ବିଜ୍ଞପ୍ତି ଜାରି କରିବା ଆବଶ୍ୟକ ।
{"id":805567,"width":821,"height":505,"sizeSlug":"full","linkDestination":"none"}![](https://www.prameyanews7.com/wp-content/uploads/2023/06/AFASDSASDAS.png)
ସେପଟେ ବିହାରରେ ହେଟଓ୍ବେଭ୍ ସର୍ଜିକାଲ ଷ୍ଟ୍ରାଇକ୍ କରିଛି । ବିହାରରେ ୨୪ ଘଣ୍ଟାରେ ୪୪ଜଣ ପ୍ରାଣ ହରାଇଲେଣି । କେବଳ ପାଟଣାରେ ୩୫ଜଣଙ୍କ ମୃତ୍ୟୁ ହୋଇଛି । ସେହିପରି ଅନ୍ୟ ଜିଲ୍ଲାରେ ପ୍ରଚଣ୍ଡ ଗ୍ରୀଷ୍ମ ପ୍ରଭାବ ଯୋଗୁ ୯ଜଣ ପ୍ରାଣ ହରାଇଛନ୍ତି ।
ଭାରତୀୟ ପାଣିପାଗ ବିଭାଗ ଭୀଷଣ ଗରମ ପାଇଁ ଓଡ଼ିଶା, ଝଡ଼ଖଣ୍ଡ, ଛତିଶଗଡ଼ ଓ ଦକ୍ଷିଣ ବିହାରର କିଛି ସ୍ଥାନରେ ହେଟଓ୍ବେଭ୍ ସତର୍କତା ଜାରି କରିଛି । ଏହାଛଡ଼ା ଆନ୍ଧ୍ରପ୍ରଦେଶ ଏବଂ ତେଳଙ୍ଗାନାରେ ମଧ୍ୟ ହେଟଓ୍ବେଭ୍ ସ୍ଥିତି ଦେଖାଦେଇଥଛି ।