ବରଗଡ ୩୧/୫: ପିଲାଟି ଖେଳୁ ଖେଳୁ ଲୁହା ରଡ୍ ଉପରେ ପଡିଗଲା । ରଡ୍ଟି ପିଠି ପଟ ଦେଇ ପୁରା ଶରୀର ଭିତରେ ପଶିଯାଇଛି । ।ବରଗଡରୁ ଆସିଛି ହୃଦୟବିଦାରକ ଘଟଣା । ସକାଳୁ ସାଙ୍ଗମାନଙ୍କ ସହ ବେଶ ଖୁସିରେ ଖେଳୁଥିଲା ଭଟଲିର ୯ ବର୍ଷର ନାବାଳକ ଜୀବନ ପାତିକାର । ସେ କଣ ଜାଣିଥିଲା ବିପଦ ଏମିତି ଆସିବ । ହସର ମାହୋଲ ହଠାତ ଲୁହରେ ବଦଳି ଯାଇଛି ।
ଖେଳୁ ଖେଳୁ ଲୁହା ରଡ ଉପରେ ପଡିଯାଇଥିଲା ଜୀବନ, ଆଉ ଯନ୍ତ୍ରଣାରେ ଛଟପଟ ହୋଇଥିଲା । ସଙ୍ଗେ ସଙ୍ଗେ ତାକୁ ଚିକିତ୍ସା ପାଇଁ ପ୍ରଥମେ ଜିଲ୍ଲା ମୁଖ୍ୟାଳୟକୁ ଆଣିଥିଲେ ତେବେ ସେଠାରେ ଆଇସିୟୁ ନଥିବାରୁ ବୁର୍ଲା ମେଡିକାଲକୁ ସ୍ଥାନାନ୍ତର କରାଯାଇଛି ।
