ବାଲିପାଟଣା ୪।୧୦: ପ୍ରାଇଭେଟ୍ ଫାଇନାନ୍ସ କର୍ମଚାରୀଙ୍କ ଠାରୁ ଲୁଟ୍ ଉଦ୍ୟମ ବେଳେ ଆକ୍ରମଣ । ଲୁଟ୍ ଉଦ୍ୟମ ବେଳେ ବିରୋଧ କରିବାରୁ ଭୁଜାଲିରେ ହାଣିଲେ ଦୁର୍ବୃତ୍ତ । ବାଲିପାଟଣା ଥାନା ବଦଳାଶାସନ ଗ୍ରାମ ରାସ୍ତାରେ ଘଟିଛି ଏଭଳି ଘଟଣା ।
ସୂଚନାଯୋଗ୍ୟ ଯେ, ବାଲିପାଟଣା ଥାନା ବଦଳାଶାସନ ଗ୍ରାମ ରାସ୍ତାରେ ଫାଇନାନ୍ସ କର୍ମଚାରୀଙ୍କ ଠାରୁ ଲୁଟ୍ ଉଦ୍ୟମ କରିଛନ୍ତି ଦୁର୍ବୃତ୍ତ । ତେବେ ଲୁଟ୍ ଉଦ୍ୟମରେ ସକ୍ଷମ ନ ହେବାରୁ କର୍ମଚାରୀ ଜଣଙ୍କୁ ଦୁଇ ଜଣ ଲୁଟେରା ଭୁଜାଲିରେ ଆକ୍ରମଣ କରିଛନ୍ତି ।
ତେବେ କଲେକ୍ସନ ସାରି ଫେରୁଥିବା ଘରୋଇ ଫାଇନାନ୍ସ କମ୍ପାନୀ କର୍ମଚାରୀ ଭବାନୀ ଶଙ୍କର ମହାନ୍ତିଙ୍କୁ ବଦଳା ଶାସନ ହାଇସ୍କୁଲ ନିକଟରେ ଦୁଇ ଜଣ ଲୁଟେରା ଲୁଟ୍ ପାଇଁ ଅଟକାଇଥିଲେ । ଭବାନୀ ଏହାକୁ ବିରୋଧ କରିବାରୁ ଲୁଟେରା ଦ୍ୱୟ ଭୁଜାଲିରେ ଆକ୍ରମଣ କରି ଫେରାର ହୋଇଯାଇଛନ୍ତି । ଭବାନୀଙ୍କ ହାତରେ ଗୁରୁତର ଆଘାତ ଲାଗିଛି । ସ୍ଥାନୀୟ ମେଡିକାଲରେ ଭବାନୀଙ୍କ ଚିକିତ୍ସା କରାଇଛନ୍ତି । ଘଟଣାସ୍ଥଳରେ ବାଲିପାଟଣା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
You Can Read:
