ମୁମ୍ବାଇ: ଆଜି(ଜୁନ ୧) ସନ୍ଧ୍ୟାରେ ମହାରାଷ୍ଟ୍ର ରାଜନୀତିରେ ଏକ ବିରଳ ଦୃଶ୍ୟ ଦେଖିବାକୁ ମିଳିଛି। ଏନ୍ସିପି ମୁଖ୍ୟ ଶରଦ ପାୱାର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ଭେଟିଛନ୍ତି। ଯାହାକୁ ନେଇ ମହାରାଷ୍ଟ୍ର ପାୱାର କରିଡରରେ ଚର୍ଚ୍ଚା ଆରମ୍ଭ ହୋଇଯାଇଛି।
ଗତବର୍ଷ ମହାବିକାଶ ଅଘାଡ଼ି ମେଣ୍ଟ ସରକାର ଭାଙ୍ଗିବା ପରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ହୋଇଥିଲା। ସେବେଠାରୁ ଶରଦ ପାୱାରଙ୍କର ଏହା ପ୍ରଥମ ବୈଠକ। ଦୁଇ ନେତାଙ୍କ ମଧ୍ୟରେ ହୋଇଥିବା ବୈଠକକୁ ନେଇ ଖୁବ୍ ଚର୍ଚ୍ଚା ଆରମ୍ଭ ହୋଇଗଲାଣି।
ଅନ୍ୟପଟେ ଶରଦ ପାୱାର କହିଛନ୍ତି ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିବାକୁ ଯାଇଥିଲା। ମୁମ୍ବାଇ ମରାଠା ମନ୍ଦିର ଅମୃତ ମହୋତ୍ସବ କାର୍ଯ୍ୟକ୍ରମରେ ଯୋଗ ଦେବାକୁ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିବାକୁ ଯାଇଥିଲି ବୋଲି ଶ୍ରୀ ପାୱାର କହିଛନ୍ତି। ଏଥିସହିତ ମରାଠି ଫିଲ୍ମ କଳାକାର ଓ ଥିଏଟର କଳାକାରମାନେ ସାମ୍ନା କରୁଥିବା ସମସ୍ୟା ବିଷୟରେ ଆଲୋଚନା ହୋଇଥିଲା। ଏଥିପାଇଁ ବୈଠକର ଆୟୋଜନ କରିବାକୁ ଆଲୋଚନା କରିଥିଲୁ ବୋଲି ଶରଦ ଟ୍ୱିଟ୍ କରି ସୂଚନା ଦେଇଛନ୍ତି।
