ନୂଆଦିଲ୍ଲୀ: ଭାରତ ପାଇଁ ଦୁଇ ଦୁଇଟି ଅଲିମ୍ପିକ ପଦକ ଜିତିଥିବା ଆଥଲିଟ୍ ନୀରଜ ଚୋପ୍ରା ଜୀବନର ନୂଆ ଅଧ୍ୟାୟ ଆରମ୍ଭ କରିଛନ୍ତି । ଭାରତର ଷ୍ଟାର୍ ଜାଭେଲିନ୍ ଥ୍ରୋଅର ନୀରଜ ଚୋପ୍ରା ବିବାହ ବନ୍ଧନରେ ବାନ୍ଧି ହୋଇଛନ୍ତି । ନୀରଜ ଚୋପ୍ରା ନିଜ ସୋସିଆଲ୍ ମିଡିଆରେ ବିବାହ ବେଳର ଫଟୋକୁ ସେୟାର କରିଛନ୍ତି । ପରିବାର ଏବଂ ସମ୍ପର୍କୀୟଙ୍କ ସୀମିତ ଉପସ୍ଥିତିରେ ସେ ବିବାହ କରିଛନ୍ତି । ନୀରଜଙ୍କ ଯାହାଙ୍କୁ ଜୀବନ ସାଥୀ କରିଛନ୍ତି ତାଙ୍କ ନାଁ ହିମାନୀ ମୋର୍ ବୋଲି ଜଣାପଡ଼ିଛି । ହିମାନୀଙ୍କ ଘର ହରିୟାଣାର ସୋନିପତରେ ହୋଇଥିବା ବେଳେ ସେ ବର୍ତ୍ତମାନ ଆମେରିକାରେ ପାଠ ପଢୁଛନ୍ତି ।
୨୭ ବର୍ଷୀୟ ନୀରଜ ଚୋପ୍ରା ସୋସିଆଲ୍ ମିଡିଆରେ ବିବାହ ସମୟର ଫଟୋ ସେୟାର କରି ଲେଖିଛନ୍ତି, 'ଜୀବନର ନୂଆ ଅଧ୍ୟାୟ ଆରମ୍ଭ ନିଜ ପରିବାର ସହ । ସେହି ସବୁ ଆଶୀର୍ବାଦ ପାଇଁ କୃତଜ୍ଞତା ଜଣାଉଛି, ଯାହା ଆମକୁ ଏକ କରିଛି ।'
जीवन के नए अध्याय की शुरुआत अपने परिवार के साथ की। 🙏
— Neeraj Chopra (@Neeraj_chopra1) January 19, 2025
Grateful for every blessing that brought us to this moment together. Bound by love, happily ever after.
नीरज ♥️ हिमानी pic.twitter.com/OU9RM5w2o8
ନୀରଜ ଚୋପ୍ରା ନିଜ ବିବାହ ବାବଦରେ କୌଣସି ଖବର ସେୟାର କରିନଥିଲେ । ସୋସିଆଲ୍ ମିଡିଆରେ ପୋଷ୍ଟ କରିବା ବେଳେ ନୀରଜଙ୍କ ଫ୍ୟାନ୍ସ ମଧ୍ୟ ଚକିତ ହୋଇଛନ୍ତି । ନୀରଜ ଚୋପ୍ରା ଏକ୍ସରେ ତିନୋଟି ଫଟୋ ସେୟାର କରିଛନ୍ତି । ଏଥିରେ ସେ ନିଜ ପତ୍ନୀ, ମାଆ ଏବଂ ପରିବାର ଲୋକ ଉପସ୍ଥିତ ନଜର ଆସୁଛନ୍ତି ।
ଭାରତର ଷ୍ଟାର ଜାଭେଲିନ ଖେଳାଳି ନୀରଜ ଚୋପ୍ରା ଟୋକିଓ ଅଲିମ୍ପିକରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିଲେ । ଏହାପରେ ୨୦୨୪ ମସିହାରେ ପ୍ୟାରିସ ଅଲିମ୍ପିକରେ ୮୯.୫ ମିଟର ଦୂର ଜାଭେଲିନ୍ ଫିଙ୍ଗି ରୌପ୍ୟ ପଦକ ଜତିଥିଲେ ।
