ରାଉରକେଲା ୨୬/୭: ରାଉରକେଲାରେ ଚାଞ୍ଚଲ୍ୟ । କାମ ଦେବା ଆଳରେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ । ୨ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଗତ ୧୫ ତାରିଖର ଘଟଣା । ବଣାଇ ଥାନା ନରେନ୍ଦ୍ର ଅଞ୍ଚଳର ୨ ଜଣ ଯୁବକ ଜଣେ ଯୁବତୀଙ୍କ କାମ ଦେବାର ପ୍ରତିଶୃତି ଦେଇ ରେଳ ଷ୍ଟେସନ ନିକଟ ଏକ ହୋଟେଲରେ ଆଣି ରଖିଥିଲେ । ସେଠାରେ ୪ ଦିନ ଧରି ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
୧୯ ତାରିଖ ଦିନ ପୀଡିତା କୌଶଳ କରି ହୋଟେଲରୁ ଖସି ଆସିଥିଲେ । ପ୍ରଥମେ ସ୍ଥାନୀୟ ଲୋକଙ୍କୁ ଜଣାଇଥିଲେ । ସେମାନଙ୍କ ସହାୟତାରେ ପ୍ଲାଣ୍ଟ ସାଇଟ ଥାନାରେ ଲିଖିତ ଅଭିଯୋଗ କରିଥିଲେ । ପୀଡିତାଙ୍କ ଅଭିଯୋଗ ଆଧାରରେ ପୋଲିସ ୨ ଅଭିଯୁକ୍ତଙ୍କୁ ଗିରଫ କରିଥିଲା । ଉଭୟଙ୍କର ଡାକ୍ତରୀ ମାଇନା ପରେ କୋର୍ଟ ଚାଲାଣ କରାଯାଇଛି । ପୀଡିତାଙ୍କୁ ସଖୀ ଗୃହରେ ରଖାଯାଇଛି । ପୁରା ଘଟଣାର ଛାନ୍ଭିନ୍ କରୁଛି ପୋଲିସ ।