ନୂଆଦିଲ୍ଲୀ ୭।୧୦: ମୁଖ୍ୟମନ୍ତ୍ରୀରୁ ଆରମ୍ଭ କରି ପ୍ରଧାନମନ୍ତ୍ରୀ ପଦ ପର୍ଯ୍ୟନ୍ତ ଜନସେବାରେ ୨୩ ବର୍ଷ ପୂରଣ କରିଛନ୍ତି ନରେନ୍ଦ୍ର ମୋଦି। ୭ ଅକ୍ଟୋବର ୨୦୦୧ରେ ସେ ଗୁଜରାଟ ମୁଖ୍ୟମନ୍ତ୍ରୀ ରୂପେ କାର୍ଯ୍ୟଭାର ଗ୍ରହଣ କରିଥିଲେ। ୧୩ ବର୍ଷ ପର୍ଯ୍ୟନ୍ତ ସଫଳତା ପୂର୍ବକ ମୁଖ୍ୟମନ୍ତ୍ରୀ ପଦ ସମ୍ଭାଳିବା ପରେ ୧୦ ବର୍ଷରୁ ଅଧିକ ସମୟ ହେଲା ପ୍ରଧାନମନ୍ତ୍ରୀ ରୂପେ ଦେଶର ଭାଗ୍ୟଡୋରୀ ସମ୍ଭାଳିଛନ୍ତି। ପ୍ରଧାନମନ୍ତ୍ରୀ ରୂପେ ମୋଦିଙ୍କର ଏହା ତୃତୀୟ କାର୍ଯ୍ୟକାଳ।
ଜନସେବାରେ ୨୩ ବର୍ଷର ଯାତ୍ରା ପୁରଣ କରିବା ଅବସରରେ ପ୍ରଧାନମନ୍ତ୍ରୀ ସୋସିଆଲ ମିଡିଆ ପ୍ଲାଟଫର୍ମରେ ଏକକାଳୀନ ଅନେକ ପୋଷ୍ଟ କରିଛନ୍ତି। ଏଥିରେ ସେ ଲେଖିଛନ୍ତି ସରକାର ମୁଖିଆ ରୂପେ ମୋର ୨୩ ବର୍ଷ ପୁରଣରେ ଆଶିର୍ବାଦ ଓ ଶୁଭେଚ୍ଛା ପଠାଉଥିବା ସମସ୍ତଙ୍କୁ ମୋର ହୃଦୟରୁ କୃତଜ୍ଞତା। ୭ ଅକ୍ଟୋବର ୨୦୦୧ରେ ମୁଁ ଗୁଜରାଟ ମୁଖ୍ୟମନ୍ତ୍ରୀ ରୂପେ ରାଜ୍ୟ ସେବାର ଦାୟିତ୍ୱ ଗ୍ରହଣ କରିଥିଲି। ମୋ ଭଳି ଜଣେ କାର୍ଯ୍ୟକର୍ତ୍ତାଙ୍କୁ ରାଜ୍ୟ ପ୍ରଶାସନର ଦାୟିତ୍ୱ ପ୍ରଦାନ କରିବା ମୋ ପାର୍ଟିର ମହାନତା ଥିଲା।
#23YearsOfSeva…
— Narendra Modi (@narendramodi) October 7, 2024
A heartfelt gratitude to everyone who has sent their blessings and good wishes as I complete 23 years as the head of a government. It was on October 7, 2001, that I took on the responsibility of serving as the Chief Minister of Gujarat. It was the greatness of…
ମୋଦି ଲେଖିଛନ୍ତି ଯେ ଯେତେବେଳେ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ସମ୍ଭାଳିଲି ଗୁଜରାଟ ସେତେବେଳେ ଅନେକ ସମସ୍ୟାରେ ଥିଲା। ୨୦୦୧ କଚ୍ଛ ଭୂମିକମ୍ପ, ଏହା ପୂର୍ବର ଏକ ସୁପର ସାଇକ୍ଲୋନ, ଏକ ବଡ ମରୁଡ଼ି ସାଙ୍ଗକୁ ଦୀର୍ଘ ଦଶନ୍ଧୀ ଧରି କଂଗ୍ରେସର ଲୁଟ ସାମ୍ପ୍ରଦାୟିକତା ଓ ଜାତିବାଦ ଭଳି କୁଶାସନର ଏ ଉତ୍ତରାଧିକାର ମୋତେ ମିଳିଥିଲା। ଜନତାଙ୍କ ଶକ୍ତିରେ ଆମେ ଗୁଜରାଟର ପୁନନିର୍ମାଣ କଲୁ ଓ କୃଷି ଭଳି କ୍ଷେତ୍ରରେ ରାଜ୍ୟକୁ ଏକ ନୂଆ ଉଚ୍ଚତା ମିଳିଲା। ଯେଉଁଥି ପାଇଁ ରାଜ୍ୟ ପାରମ୍ପରିକ ରୂପେ ପରିଚିତ ନଥିଲା।
ପ୍ରଧାନମନ୍ତ୍ରୀ କହିଛନ୍ତି ଯେ ୧୩ ବର୍ଷର ସରକାରରେ ଗୁଜରାଟ ‘ସବକା ସାଥ ସବକା ବିକାଶ’ର ଏକ ଚମତ୍କାର ଉଦାହରଣ ସୃଷ୍ଟି କଲା। ଫଳରେ ସମାଜର ସବୁ ବର୍ଗର ଲୋକଙ୍କ ପାଇଁ ସମୃଦ୍ଧି ସୁନିଶ୍ଚିତ ହୋଇପାରିଲା। ୨୦୧୪ରେ ଭାରତର ଲୋକେ ଆମ ପାର୍ଟିକୁ ରେକର୍ଡ ଜନାଦେଶ ଦେଲେ। ଫଳରେ ପ୍ରଧାନମନ୍ତ୍ରୀ ରୂପେ ଦେଶ ସେବା ପାଇଁ ସକ୍ଷମ ହେଲି। ଏହା ଏକ ଐତିହାସିକ କ୍ଷଣ ଥିଲା। ୩୦ ବର୍ଷରେ ପ୍ରଥମ ଥର କୌଣସି ପାର୍ଟିକୁ ସମ୍ପୂର୍ଣ୍ଣ ସଂଖ୍ୟାଗରିଷ୍ଠତା ମିଳିଥିଲା। ଗତ ଏକ ଦଶନ୍ଧୀ ଧରି ଦେଶ ସାମ୍ନାରେ ଥିବା ଅନେକ ଆହ୍ୱାନର ଆମେ ମୁକାବିଲା କରିବାରେ ସକ୍ଷମ ହୋଇଛୁ।
ଭାରତ ଏବେ ବିଶ୍ୱର ପଞ୍ଚମ ସର୍ବ ବୃହତ୍ତ ଅର୍ଥବ୍ୟବସ୍ଥାରେ ପରିଣତ ହୋଇଛି। ଏହା ଦ୍ୱାରା ଆମର ଏମଏସଏମଇ ଓ ଷ୍ଟାର୍ଟଅପ ସେକ୍ଟରକୁ ବିଶେଷ ଲାଭ ମିଳିଛି। ଗତ ୨୩ ବର୍ଷରେ ବହୁତ କିଛି ହାସଲ କରାଯାଇ ପାରିଛି। ହେଲେ ଏବେବି ବହୁତ କିଛି କରିବାକୁ ବାକି ଅଛି। ଏହି ୨୩ ବର୍ଷରେ ମିଳିଥିବା ଶିକ୍ଷାରୁ ଆମେ ପରବର୍ତ୍ତି ଆହ୍ୱାନର ସମ୍ମୁଖୀନ ହୋଇ ପାରିବୁ। ପ୍ରଧାନମନ୍ତ୍ରୀ କହିଛନ୍ତି ଯେ ଭାରତବାସୀଙ୍କୁ ମୁଁ ଏହି ବିଶ୍ୱାସ ଦେବାକୁ ଚାହୁଁଛି ଯେ ଲୋକଙ୍କ ସେବା ଲାଗି ଏବେ ଅଧିକ ପ୍ରସାୟ କରିବି। ମୁଁ ସେପର୍ଯ୍ୟନ୍ତ ବିଶ୍ରାମ ନେବି ନାହିଁ ଯେଉଁ ପର୍ଯ୍ୟନ୍ତ ବିକଶିତ ଭାରତ ପାଇଁ ଆମର ସାମୂହିକ ଲକ୍ଷ ହାସଲ ନ ହୋଇଛି।
