ମାର୍ଶାଘାଇ ୮।୯: ନଦୀକୁ ଡେଇଁଲେ ଅବସରପ୍ରାପ୍ତ ଶିକ୍ଷକ । କେନ୍ଦ୍ରାପଡା ଲୁଣା ନଦୀ ପୋଲ ଉପରୁ ନଦୀକୁ ଡେଇଁଛନ୍ତି । ପାରିବାରିକ କଳହ ଯୋଗୁଁ ଏଭଳି କରିଥିବା ସୂଚନା ।
ସୂଚନାଯୋଗ୍ୟ ଯେ, କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଅନ୍ତର୍ଗତ ଲୁଣା ନଦୀ ପୋଲ ଉପରୁ ନଦୀକୁ ଡେଇଁଲେ ଜଣେ ଅବସରପ୍ରାପ୍ତ ଶିକ୍ଷକ । ଶିକ୍ଷକ ଜଣଙ୍କ ଘର ମାର୍ଶାଘାଇ ଥାନା କୁଆଁରପାଳ ଗାଁରେ ବୋଲି ଜଣାପଡିଛି । ରବିବାର ସକାଳ ପ୍ରାୟ ୯ଟା ସମୟରେ ସେ ପୋଲ ଉପରେ ସାଇକେଲ ରଖି ନଦୀକୁ ଡେଇଁ ପଡିଥିଲେ । ନିକଟରେ କାମ କରୁଥିବା ଶ୍ରମିକ ମାନେ ତାଙ୍କୁ ନଦୀରୁ ଉଦ୍ଧାର କରି ଚିକିତ୍ସା ପାଇଁ କେନ୍ଦ୍ରାପଡା ଜିଲ୍ଲା ସ୍ବାସ୍ଥ୍ୟକେନ୍ଦ୍ରକୁ ପଠାଇଛନ୍ତି । ପାରିବାରିକ କଳହ ଯୋଗୁଁ ଶିକ୍ଷକ ଜଣଙ୍କ ନଦୀକୁ ଡେଇଁ ପଡିଥିବା ସୂଚନା ମିଳିଛି । ତାଙ୍କ ସ୍ବାସ୍ଥ୍ୟ ଅବସ୍ଥା ସ୍ଥିର ଥିବା ଜଣାପଡିଛି ।
You Can Read:
