ପୁଣେ ୧୭/୦୧: ମହାରାଷ୍ଟ୍ରର ପୁଣେର ନାରାୟଣଗାଁଓ ଅଞ୍ଚଳରୁ ଏକ ଭୟଙ୍କର ଦୁର୍ଘଟଣା । ସଡ଼କ ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ହୋଇଥିଲା । ଏକ ଟ୍ରକ୍ ପଛରୁ ଏକ କାରକୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଥିଲା । ଟ୍ରକଟି ଜୋରରେ ଧକ୍କା ଦେବା ପରେ, କାରଟି ଏକ ବସ୍ ସହିତ ଧକ୍କା ହୋଇଥିଲା । ସଡ଼କ ଦୁର୍ଘଟଣା ପୁଣେ ନାସିକ୍ ରାଜପଥରେ ଘଟିଛି ।
ଶୁକ୍ରବାର ସକାଳ ପ୍ରାୟ ୧୦ଟାରେ ନାରାୟଣଗାଁ ନିକଟରେ ଏହି ଦୁର୍ଘଟଣା ଘଟିଥିଲା । ପ୍ରକୃତରେ, ଏକ ଅଟୋ ପଛରୁ ଯାତ୍ରୀମାନଙ୍କୁ ନେଇଯାଉଥିବା ଅନ୍ୟ ଏକ ଗାଡିକୁ ଧକ୍କା ଦେଇଥିଲା । ଧକ୍କା ଏତେ ଜୋରଦାର ଥିଲା ଯେ ଅଟୋ ବଲ୍ ପରି ଉଡ଼ି ଏକ ବସ୍ ସହିତ ଧକ୍କା ହେଲା। ମର୍ମନ୍ତୁଦ ଦୁର୍ଘଟଣାରେ, ଚାରି ଜଣ ମହିଳା, ଚାରି ଜଣ ପୁରୁଷ ଏବଂ ଜଣେ ଶିଶୁଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ଅନ୍ୟ ତିନି ଜଣ ଆହତ ହୋଇଛନ୍ତି । ଆହତମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ପୁଣେ ପ୍ରଶାସନ କହିଛି ଯେ ଆହତମାନଙ୍କ ମଧ୍ୟରୁ କିଛିଙ୍କ ଅବସ୍ଥା ଗୁରୁତର । ଆଗକୁ ମୃତ୍ୟୁସଂଖ୍ୟା ବି ବଢିବାର ସମ୍ଭାବନା ରହିଛି ।
ସୂଚନାଥାଉକି, ବିଧାୟକ ଶରଦ ସୋନାୱାନେ ମଧ୍ୟ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର ସମୀକ୍ଷା କରିଛନ୍ତି । ସେ କହିଛନ୍ତି ଯେ ଏହି ଦୁର୍ଭାଗ୍ୟଜନକ ଘଟଣା । ବିଧାୟକ ସୋନାୱାନେ ପ୍ରତ୍ୟକ୍ଷଦର୍ଶୀଙ୍କ ଭେଟିବା ପରେ ଜାଣିବାକୁ ପାଇଛନ୍ତି କି, ଆଇଚର ଯାତ୍ରୀବାହୀ ଗାଡ଼ିକୁ ଧକ୍କା ଦେଇ ପଳାଇ ଯାଇଥିଲା । ପୋଲିସ ଆଇଚରକୁ ଜବତ କରିଛି। ବିଧାୟକ ଶରଦ ସୋନାୱାନେ କହିଛନ୍ତି ଯେ ପ୍ରକୃତ ଦୁର୍ଘଟଣା ଆଇଚର ଡ୍ରାଇଭରଙ୍କ ଅସାବଧାନତାରୁ ଘଟିଛି । ପୋଲିସ ମାମଲାର ତଦନ୍ତ କରୁଛି।
