ମୁମ୍ୱାଇ ୦୪/୧୨: ଭାରତୀୟ କ୍ରିକେଟ ଇତିହାସର ଦୁଇ ଦିଗ୍ଗଜ । ଦୁଇ ସାଙ୍ଗ ସଚିନ ତେନ୍ଦୁଲକର ବିନୋଦ କାମ୍ୱଲୀଙ୍କ କଥା କିଏ ନଜାଣେ । ଦୀର୍ଘବର୍ଷ ପରେ ଏମାନଙ୍କୁ ଏକାଠି ଦେଖିବାକୁ ମିଳିଛି । ଆଉ ସେହି ଦୃଶ୍ୟ ଥିଲା ବେଶ୍ ଭାବପୂର୍ଣ୍ଣ । ଯେ କେହି ବି ଦେଖିବ ଭାଙ୍ଗିପଡିବ ତାର ମନ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ।
କ୍ରିକେଟ ମୈଦାନରେ ଚାଲୁଥିଲା ଦୁଇ ସାଙ୍ଗଙ୍କ ଯାଦୁ । ଏବେ ସିନା ଖେଳ ନାହିଁ, ସଚିନ ତାଙ୍କ ଜୀବନରେ ବେଶ୍ ସଫଳ । କିନ୍ତୁ ସଚିନଙ୍କ ପିଲାଦିନ ସାଙ୍ଗ ବିନୋଦ କାମ୍ୱଲୀଙ୍କ ଅବସ୍ଥା ସେତେଟା ଭଲ ନାହିଁ । କାମ୍ୱଲୀ ଏବେ ସ୍ୱାସ୍ଥ୍ୟଗତ ସମସ୍ୟା ଦେଇ ଗତି କରୁଛନ୍ତି । କହିବାକୁ ଗଲେ ସଚିନ ଏବଂ କାମ୍ୱଲୀ ଗୁରୁ ରମାକାନ୍ତ ଆର୍ଚେରୀଙ୍କ ଦୁଇ ଶିଷ୍ୟ । ୨୦୧୯ ଜାନୁୟାରୀରେ ଆର୍ଚେରକରଙ୍କ ନିଧନ ହୋଇଥିଲା ।
#WATCH | Maharashtra: Former Indian Cricketer Sachin Tendulkar met former cricketer Vinod Kambli during an event in Mumbai.
— ANI (@ANI) December 3, 2024
(Source: Shivaji Park Gymkhana/ANI) pic.twitter.com/JiyBk5HMTB
ମୁମ୍ୱାଇ ଶୀବାଜୀ ପାର୍କରେ ତାଙ୍କର ଚାଲିଛି ସ୍ମାରକ ଅନାବରଣ ସମାରୋହ । ଯେଉଁଠି ପହଞ୍ଚିଥିଲେ ସଚିନ ଏବଂ କାମ୍ୱଲୀ । ଏବେ ଭାଇରାଲ ହେଉଛି ସେହି ଉତ୍ସବର ଭିଡିଓ । ତେବେ ଉତ୍ସବରେ ଲାଇମଲାଇଟ୍କୁ ଆସିଥିଲେ ଦୁଇ ଭେଟାରାନ କ୍ରିକେଟର । କାରଣ ଦୁଇ ଜଣଙ୍କ ସାକ୍ଷାତ ମୁହୂର୍ତ୍ତଟି ଥିଲା ସେମିତି କିଛି । କାମ୍ୱଲୀ କୁର୍ସି ଉପରେ ବସିଥିଲେ । ସେହି ସମୟରେ ସଚିନ ତାଙ୍କ ପାଖକୁ ଆସିଥିଲେ । ତେବେ କିଛି ସମୟ ପାଇଁ କାମ୍ୱଲୀ ହଠାତ୍ ତାଙ୍କୁ ଚିହ୍ନିପାରିନଥିଲେ ।
କିନ୍ତୁ ସଚିନ ପାଖରୁ ଯାଇ ତାଙ୍କ ପରିଚୟ କହିଥିଲେ । ଆଉ ଡେରିରେ ଚିହ୍ନିବା ପରେ କାମ୍ୱଲୀ ହଠାତ୍ ସଚିନଙ୍କୁ ଦେଖି ଭାବବିହ୍ୱଳ ହୋଇପଡିଥିଲେ । ଏମିତିକି କିଛି ସମୟ ପାଇଁ ସଚିନଙ୍କ ହାତ ଛାଡିନଥିଲେ । ହାତ ଧରି କିଛି କହୁଥିବାର ବି ନଜର ଆସିଥିଲେ । ତେବେ ପରେ କେହି ଜଣେ ଆସିବା ପରେ ସେ ହାତ ଛାଡିଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।
