ନୂଆଦିଲ୍ଲୀ: ସାହାରା ଗ୍ରୁପର ପ୍ରତିଷ୍ଠାତା ସୁବ୍ରତ ରୟଙ୍କ ନିଧନ ପରେ ଏବେ ଅନେକଙ୍କ ମନରେ ପ୍ରଶ୍ନ ଯେ ଗ୍ରୁପ୍ ବିରୋଧରେ ଚାଲିଥିବା ମାମଲାର କଣ ହେବ । ଏହା ଉପରେ ବଜାର ନିୟାମକ ସେବି ପକ୍ଷରୁ ସ୍ଥତି ସ୍ପଷ୍ଟ କରାଯାଇଛି । ସେବି ଅଧ୍ୟକ୍ଷ ମାଧବୀ ପୁରୀ ବୁଚ୍ ଗୁରୁବାର କହିଛନ୍ତି ଯେ ସାହାରା ପ୍ରତିଷ୍ଠାତା ସୁବ୍ରତ ରୟଙ୍କ ମୃତ୍ୟୁ ପରେ ବି ପୁଞ୍ଜି ବଜାର ନିୟାମକ ସଂସ୍ଥା ବିରୋଧରେ ମାମଲା ଜାରି ରଖିବ । ସାହାରା ଗ୍ରୁପର ପ୍ରତିଷ୍ଠାତା ସୁବ୍ରତ ରୟଙ୍କ ୭୫ ବର୍ଷ ବୟସରେ ମଙ୍ଗଳବାର ପରଲୋକ ହୋଇଥିଲା । ସେ ଦୀର୍ଘ ଦିନରୁ ଚିକିତ୍ସାଧୀନ ଥିଲେ ।
ଫିକ୍କିର ଏକ କାର୍ଯ୍ୟକ୍ରମରେ ସାମ୍ୱାଦିକଙ୍କୁ ପ୍ରତିକ୍ରିୟା ଦେଇ ସେ କହିଛନ୍ତି ସେବି ପାଇଁ ଏହି ମାମଲା ଏକ ସଂସ୍ଥାର ଆଚରଣ ସହ ଜଡିତ ଓ ଏହା ଜାରି ରହିବ । କୌଣସି ବ୍ୟକ୍ତି ଜୀବିତ ରୁହନ୍ତୁ କି ନାହିଁ । ସେହିପରି ରିଫଣ୍ଡ କମ ଉପରେ ବୁଚ୍ କହିଛନ୍ତି ଯେ ଟଙ୍କା ନିବେଶକଙ୍କ ଦାବିକୁ ପ୍ରମାଣ ଆଧାରରେ ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ କମିଟି ଜରିଆରେ ଫେରସ୍ତ କରାଯାଉଛି । ନିବେଶକଙ୍କୁ କେବଳ ୧୩୮ କୋଟି ଟଙ୍କା ଫେରସ୍ତ କରାଯାଇଛି । ଉଲ୍ଲେଖଯୋଗ୍ୟ ଯେ ସାହାରା ଗ୍ରୁପକୁ ନିବେଶକଙ୍କୁ ଟଙ୍କା ଫେରସ୍ତ ପାଇଁ ସେବି ନିକଟରେ ୨୪,୦୦୦ କୋଟିରୁ ଅଧିକ ଟଙ୍କା ଜମା କରାଇବା ପାଇଁ କୁହାଯାଇଥିଲା ।
wp:html/wp:html#WATCH | Mumbai: When asked about the issue of reclaiming undistributed funds of Sahara to investors, SEBI Chairperson Madhabi Puri Buch says, "There is a committee under the Supreme Court, and we take all the actions under that committee only. Multiple rounds of advertisements… pic.twitter.com/wvWlH8WGFR
— ANI (@ANI) November 16, 2023
୨୦୧୧ ମସିହାରେ ସାହାର ଗ୍ରୁପର ଦୁଇ କମ୍ପାନି ସାହାରା ଇଣ୍ଡିଆ ରିୟଲ ଇଷ୍ଟେଟ୍ କର୍ପୋରେସନ ଲିମିଟେଡ୍ ଓ ସାହାରା ହାଉସିଂ ଇନଭେଷ୍ଟମେଣ୍ଟ କର୍ପୋରେସନ ଲିମିଟେଡକୁ ତିନି କୋଟି ଜମାକାରୀଙ୍କଠାରୁ ପାଇଥିବା ଟଙ୍କା ଫେରସ୍ତ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ସେବି ନିଜ ଆଦେଶରେ କହିଥିଲା ଯେ ଦୁଇ କମ୍ପାନି ନିୟମ ଉଲ୍ଲଂଘନ କରି ଧନ ଏକାଠି କରିଥିଲେ ।
ଲମ୍ୱା ଆଇନଗତ ଲଢେଇ ପରେ ସର୍ବୋଚ୍ଚ ଅଦାଲତ ମଧ୍ୟ ୨୦୧୨ ଅଗଷ୍ଟ ୩୧ରେ ସେବି ନିର୍ଦେଶକୁ ବଜାୟ ରଖିଥିଲେ । ଦୁଇ କମ୍ପାନିଙ୍କୁ ଏକାଠି କରିଥିବା ଧନରାଶିକୁ ୧୫ ପ୍ରତିଶତ ସୁଧ ସହ ଜମାକାରୀଙ୍କୁ ଫେରସ୍ତ କରିବା ପାଇଁ ନିର୍ଦ୍ଦେଶ ଦେଇଥିଲେ । ଟଙ୍କା ଫେରସ୍ତ ପାଇଁ ସେବି ନିକଟରେ ୨୪,୦୦୦ କୋଟି ଟଙ୍କା ଜମା କରିବାକୁ କୁହାଯାଇଥିଲା ।
Also Read: ସାହାରା ଗ୍ରୁପର ଚେୟାରମ୍ୟାନ ହେବ କିଏ? ସାରା ଦେଶରେ ରହିଛି ୫ ହଜାରରୁ ଅଧିକ ମଲ ଓ ଅଫିସ, ଜାଣନ୍ତୁ ନେଟ୍ୱର୍ଥ କେତେ?