ଭୋଗରାଇ ୧।୯: ତାତିଲେ ମହିଳା ଗୋଷ୍ଠୀ । ବେଆଇନ ମଦ ଭାଟି ଉପରେ କଲେ ଚଢାଉ । ବେଆଇନ ମଦ ଭାଟି ଭାଙ୍ଗିବା ସହ ବିପୁଳ ପରିମାଣର ଦେଶୀ ଓ ବିଦେଶୀ ମଦ ବିକ୍ରି ସାମଗ୍ରୀ ଓ କିଛି ଟଙ୍କା ଜବତ କରିଛନ୍ତି ମହିଳା ଗୋଷ୍ଠୀ । ଘଟଣାସ୍ଥଳରେ ଭୋଗରାଇ ପୋଲିସ ପହଞ୍ଚି ମହିଳାଙ୍କୁ ଗିରଫ କରିଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ କାଁଥିଭଉଁରୀ ପଞ୍ଚାୟତର ବିଚିତ୍ରପୁର ଗ୍ରାମରେ ।
ଗାଁର ଶିବା ଜେନାଙ୍କ ସ୍ତ୍ରୀ ଦୀର୍ଘ ବର୍ଷ ହେବ ଗାଁରେ ଚୋରା ମଦ ବ୍ୟବସାୟ କରୁଥିଲେ । ଗାଁର ପିଲା ଠୁ ବୟସ୍କ ସମସ୍ତେ ଚୋରା ମଦ ପିଇ ନିଶାସକ୍ତ ଅବସ୍ଥାରେ ନାନା ଅସାମାଜିକ କାର୍ଯ୍ୟ କରୁଥିବା ନଜିର ମଧ୍ୟ ରହିଛି । ପୂର୍ବରୁ ଅବକାରୀ ପୋଲିସ ତାଙ୍କୁ ଗିରଫ କରିଥିଲେ ମଧ୍ଯ ଜାମିନରେ ଆସି ସେହି କାରବାର ଚଳାଇଥିଲେ । ସମ୍ପ୍ରତି ପରିସ୍ଥିତିକୁ ଲକ୍ଷ୍ୟକରି ଗାଁର ଜୟ ହନୁମାନ, ମା’ ତାରିଣୀ, ବୃନ୍ଦାବତୀ, ସରସ୍ବତୀ ଆଦି ସ୍ବୟଂ ସହାୟିକା ଗୋଷ୍ଠୀର ମହିଳା ମାନେ ମଦ ଭାଟି ଭାଙ୍ଗିଥିବା ଦେଖିବାକୁ ମିଳିଛି ।
You Can Read:
ଅବକାରୀ ବିଭାଗ ପଞ୍ଝାରେ ବ୍ରାଉନସୁଗାର ବେପାରୀ, ଜଣେ ଯୁବତୀଙ୍କ ସମେତ ୩ ଗିରଫ
