ଭୁବନେଶ୍ବର ୨୯।୧୦: ପ୍ରଭୁ ଲିଙ୍ଗରାଜଙ୍କ ମନ୍ଦିରରେ ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଫଟୋ ଉଠାଇବା ପ୍ରସଙ୍ଗରେ ସମ୍ପୃକ୍ତ ସେବାୟତଙ୍କୁ ପଠାଯିବ କାରଣ ଦର୍ଶାଅ ନୋଟିସ୍ । କାହିଁକି ନିୟମ ଉଲଂଘନ କଲେ, କେଉଁ କାରଣରୁ କଲେ ସେ ନେଇ ମଗାଯିବ ଉତ୍ତର । ୭ ଦିନ ମଧ୍ୟରେ ସମ୍ପୃକ୍ତ ସେବାୟତ ଦେବେ ଉତ୍ତର । ଉତ୍ତର ଦେବା ପରେ ନିଆଯିବ କାର୍ଯ୍ୟାନୁଷ୍ଠାନ ନିଷ୍ପତ୍ତି । ଏ ନେଇ ଲିଙ୍ଗରାଜ ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ରୁଦ୍ରନାରାୟଣ ମହାନ୍ତି ସୂଚନା ପ୍ରଦାନ କରିଛନ୍ତି ।

ସେପଟେ ପ୍ରଭୁ ଲିଙ୍ଗରାଜଙ୍କ ମନ୍ଦିର ଭିତରେ ଫଟୋ ଉଠାଇବାକୁ ନେଇ ନିନ୍ଦା କଲେ ଅନ୍ୟ ସେବାୟତ । ମନ୍ଦିର ଭିତରେ ଫଟୋ ଉଠାଇବା ସେବାୟତଙ୍କ ଭୁଲ୍ । ସେବାୟତ ମାନେ ନିୟମ ମାନିବା ଦରକାର । ଶିଳ୍ପା ସେଟ୍ଟୀ ନିୟମ ଜାଣିନାହାନ୍ତି କିନ୍ତୁ ତାଙ୍କ ସାଙ୍ଗରେ ଥିବା ସେବାୟତ ନିୟମ ଜାଣିଛନ୍ତି । ସେ ଅବଗତ କରାଇବା ଦରକାର । ସେବାୟତ ସଚେତନ ହେବା ଦରକାର । ବାରମ୍ବାର ଏମିତି ଘଟଣା ହେଉଛି । ମନ୍ଦିର ପ୍ରଶାସନ ଦୃଢ଼ କାର୍ଯ୍ୟାନୁଷ୍ଠାନ ନେବା ଦରକାର ବୋଲି ଲିଙ୍ଗରାଜ ମନ୍ଦିର ବ୍ରହ୍ମାଣ ନିଯୋଗ ସମ୍ପାଦକ ବିରଞ୍ଚି ନାରାୟଣ ପତି କହିଛନ୍ତି । 

ସେହିଭଳି ଲିଙ୍ଗରାଜ ମନ୍ଦିର ଭିତରେ ବଲିଉଡ୍ ଅଭିନେତ୍ରୀଙ୍କ ଫଟୋ ଓ ଭିଡଓ ଭାଇରାଲ୍ ଘଟଣାକୁ ଦୃଢ ନିନ୍ଦା କଲେ ଏକାମ୍ର ବିଧାୟକ ବାବୁ ସିଂ । କିଏ କେମିତି ଫଟୋ ଉଠାଇଲା ତାର ତଦନ୍ତ ହେବ । ମନ୍ଦିରର ନୀତି ନିୟମକୁ ନମାନି କିଭଳି ସୁପରିଟେଣ୍ଡେଣ୍ଟ ଫଟୋ ଉଠାଇଲେ । ତଦନ୍ତ ହେଲା ପରେ ହିଁ ଦୋଷୀ ବିରୁଦ୍ଧରେ ହେବ ଦୃଢ କାର୍ଯ୍ୟାନୁଷ୍ଠାନ । 

You Can Read:

ପାଟନା ମେଟ୍ରୋ ଟନେଲରେ କାମ କରୁଥିବା ୨ ଓଡ଼ିଆ ଶ୍ରମିକଙ୍କ ମୃତ୍ୟୁ