ନୂଆଦିଲ୍ଲୀ ୨୧।୦୪: ଭାରତୀୟ କ୍ରିକେଟର ଅମିତ ମିଶ୍ରା । ପତ୍ନୀ ଗାରିମା ତାଙ୍କ ବିରୋଧରେ ଆଣିଛନ୍ତି ଗୁରୁତର ଅଭିଯୋଗ । ଗାରିମାଙ୍କ ଅନୁଯାୟୀ ଅମିତ ଏବଂ ତାଙ୍କ ପରିବାର ତାଙ୍କୁ ହୋଣ୍ଡା ସିଟି କାର ଏବଂ ୧୦ ଲକ୍ଷ ଟଙ୍କା ପାଇଁ ହଇରାଣ କରନ୍ତି । ଏହାବ୍ୟତୀତ ସେ ଅଭିଯୋଗ କରିଛନ୍ତି ଯେ ଅମିତ ମିଶ୍ରାଙ୍କର ଅନେକ ମହିଳାଙ୍କ ସହିତ ଅବୈଧ ସମ୍ପର୍କ ମଧ୍ୟ ଅଛି ।
ତେବେ ଅମିତ ମିଶ୍ରାଙ୍କ ପୂର୍ବରୁ ଅନେକ ଷ୍ଟାର ଖେଳାଳିଙ୍କ ଉପରେ ମଧ୍ୟ ଘରୋଇ ହିଂସାର ଆସିଛି ଅଭିଯୋଗ । ଯେଉଁଥିରେ ଭାରତୀୟ କ୍ରିକେଟର ବଡ଼ ବଡ଼ ନାଁ ସାମିଲ ରହିଛି । ୨୦୧୮ରେ ମହମ୍ମଦ ଶାମିଙ୍କ ପତ୍ନୀ ହସିନ ଜାହାଁ ତାଙ୍କ ଉପରେ ଘରୋଇ ହିଂସାର ଅଭିଯୋଗ ଆଣିଥିଲେ । ଯେଉଁଥିପାଇଁ କ୍ରିକେଟରଙ୍କ ବ୍ୟକ୍ତିଗତ ଜୀବନରେ ଦେଖାଦେଇଥିଲା ଅସ୍ଥିରତା ।
ଯୁବରାଜ ଭାରତର ସବୁଠାରୁ ଧନୀ କ୍ରିକେଟରଙ୍କ ମଧ୍ୟରୁ ଜଣେ, ଯାହାଙ୍କର ସମ୍ପତ୍ତି ପ୍ରାୟ ୩୦୦ କୋଟି ଟଙ୍କା । ତେବେ ୨୦୧୭ରେ ଯୁବରାଜ ସିଂହଙ୍କ ଭାଉଜ ଆକାଂକ୍ଷା ଶର୍ମା ତାଙ୍କ ବିରୁଦ୍ଧରେ ଘରୋଇ ହିଂସାର ଅଭିଯୋଗ ଆଣିଥିଲେ ।
ଘରୋଇ ହିଂସା ଅଭିଯୋଗରେ ପୂର୍ବତନ ଅଷ୍ଟ୍ରେଲିଆ ଅଧିନାୟକ ମାଇକେଲ ସ୍ଲେଟର ମଧ୍ୟ ଗିରଫ ହୋଇଥିଲେ । ସ୍ଲେଟର ତାଙ୍କ ସ୍ତ୍ରୀଙ୍କୁ ଆକ୍ରମଣ କରିବା ପାଇଁ ଦୋଷୀ ସାବ୍ୟସ୍ତ କରାଯାଇଥିଲା । ୨୦୨୩ ମସିହାରେ ବିନୋଦ କାମ୍ବଲି ମଧ୍ୟ ଘରୋଇ ହିଂସାରେ ଫସିଥିଲେ। ତାଙ୍କ ଦ୍ୱିତୀୟ ପତ୍ନୀ ଆଣ୍ଡ୍ରିଆ ହେୱିଟ୍ ମଧ୍ୟ ଘରୋଇ ହିଂସା ଅଭିଯୋଗ ଆଣିଥିଲେ।
