ଭୁବନେଶ୍ବର୧୩ /୧: ରାଜଧାନୀରେ ଅଘଟଣ । ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର । ରୁମ୍ର ଫ୍ୟାନରୁ ଝୁଲନ୍ତା ମୃତଦେହ ଉଦ୍ଧାର କରିଛି ପୋଲିସ । ମୃତକ ଉତ୍କଳ ସଂଗୀତ ମହାବିଦ୍ୟାଳୟର ଛାତ୍ରୀ ଉତ୍କଳିକା ସ୍ବାଇଁ । ଉତ୍କଳିକା ରହୁଥିବା ରୁମ୍ରେ ୩ ଜଣ ରହୁଥିବାବେଳେ ଅନ୍ୟ ୨ ଜଣ ଛୁଟିରେ ଗାଁକୁ ଯାଇଥିଲେ । କେହି ନଥିବା ବେଳେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ସକାଳେ ଅନେକ ସମୟ ଧରି ସେ କବାଟ ନ ଖୋଲିବାରୁ ସାଂଗମାନେ କବାଟ ବାଡେଇଥିଲେ । କବାଟ ନଖୋଲିବାରୁ ପୋଲିସକୁ ଖବର ଦେଇଥିଲେ । ପୋଲିସ ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଛି । ଝିଅ କାହିଁକି ଏଭଳି ନିଷ୍ପତ୍ତି ନେଲା ସେ ସଂପର୍କରେ କିଛି କହିପାରୁନାହାନ୍ତି ପରିବାର ଲୋକ । ପୋଷ୍ଟମର୍ଟମ ରିପୋର୍ଟ ଆସିବା ପରେ ସବୁକିଛି ସ୍ପଷ୍ଟ ହେବା ନେଇ ସୂଚନା ଦେଇଛି ପୋଲିସ ।
