ଭୁବନେଶ୍ବର: ଦୁର୍ଗାପୂଜାରେ ଆସିପାରେ ସୁଭଦ୍ରା ଟଙ୍କା । ଆଉ ୨୫ଲକ୍ଷ ହିତାଧିକାରୀଙ୍କୁ ସୁଭଦ୍ରା ଟଙ୍କା ମିଳିବା ପରେ ଅପେକ୍ଷାରେ ଥିବା ଆବେଦନକାରୀଙ୍କୁ ଖୁବ୍ ଶୀଘ୍ର ସୁଭଦ୍ରା ଟଙ୍କା ମିଳିବ ବୋଲି ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀ କହିଛନ୍ତି ଯେ, ମହିଳାଙ୍କ ବଡ଼ ପର୍ବରେ ବାକି ୨୫ଲକ୍ଷ ମହିଳାଙ୍କୁ ସୁଭଦ୍ରା ଟଙ୍କା ମିଳିବ ।
ସେହିଭଳି ମହିଳାଙ୍କ ଉତ୍କଣ୍ଠାକୁ ନଜରରେ ରଖି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା କହିଛନ୍ତି, ଇ-କେଓ୍ବାଇସି ପାଇଁ ସମୟ ଲାଗୁଛି । ଏପର୍ଯ୍ୟନ୍ତ ୯୨ଲକ୍ଷ ମହିଳା ସୁଭଦ୍ରା ଯୋଜନା ପାଇଁ ଆବେଦନ କରିସାରିଲେଣି । ୨୫ଲକ୍ଷ ୧୧ହଜାର ମହିଳାଙ୍କୁ ପ୍ରଥମ କିସ୍ତି ଦିଆଯାଇଛି । ଆଉ ଏକ ସପ୍ତାହ ଭିତରେ ଏକ କୋଟି ଆବେଦନ ଆସିଯିବ । ସମସ୍ତଙ୍କୁ ସୁଭଦ୍ରା ଟଙ୍କା ମିଳିବ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ ।
