ନୂଆଦିଲ୍ଲୀ: ଦେଶରେ ଶେଷ ହେବ ବିବାଦୀୟ ରାଜଦ୍ରୋହ ଆଇନ । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଲୋକସଭାରେ ଘୋଷଣା କରିଛନ୍ତି ଯେ ରାଜଦ୍ରୋହ ଆଇନକୁ ସମାପ୍ତ କରିବା ପାଇଁ ଏକ ପ୍ରସ୍ତାବ ଅଗତ କରାଯାଇଛି । ବ୍ରିଟିଶ ଶାସନ କାଳରୁ ଚାଲି ଆସୁଥିବା ଏହି ଆଇନକୁ ନେଇ ପୂର୍ବରୁ ଅନେକ ବିବାଦ ହୋଇସାରିଛି । ଅନେକ ବିରୋଧୀ ଦଳ ମଧ୍ୟ ଏହାକୁ ଶେଷ କରିବା ପାଇଁ ଦାବି କରିଥିଲେ । ଏହି ଆଇନର ଦୁରୁପଯୋଗ ହେଉଥିବା ମଧ୍ୟ ଅଭିଯୋଗ ହୋଇଥିଲା ।

କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଲୋକସଭାରେ ଶୁକ୍ରବାର ଭାରତୀୟ ଦଣ୍ଡ ବିଧାନ ସଂହିତା, ସିଆରପିସି ଏବଂ ଭାରତୀୟ ସାକ୍ଷ୍ୟ ଅଧିନିୟମକୁ ବଦଳାଇବା ପାଇଁ ତିନି ବିଧେୟକ ଆଗତ କରିଛନ୍ତି । ଏହାକୁ ଉପସ୍ଥାପନ କରି ସେ କହିଛନ୍ତି ଯେ ଏହି ତିନି ଆଇନ ଇଂରେଜଙ୍କ ଦ୍ୱାରା କରାଯାଇଥିଲା । ଆମେ ଏହାକୁ ବଦଳାଇ ନୂଆ ଆଇନ ଆଣୁଛୁ । ଆମିତ୍ ଶାହ ଯେଉଁ ତିନି ନୂଆ ଆଇନର ଘୋଷଣା କରିଛନ୍ତି ସେଥିରେ ଭାରତୀୟ ନ୍ୟାୟ ସଂହିତା ୨୦୨୩, ଭାରତୀୟ ନାଗରିକ ସୁରକ୍ଷା ସଂହିତା ୨୦୨୩ ଏବଂ ଭାରତୀୟ ସାକ୍ଷ୍ୟ ବିଧେୟକ ୨୦୨୩ ସାମିଲ ରହିଛି ।

ପଢନ୍ତୁ: ମଣିପୁର ଆମ ହୃଦୟର ଅଂଶ, ଖୁବ୍‌ଶୀଘ୍ର ସେଠାରେ ଶାନ୍ତି ପ୍ରତିଷ୍ଠା ହେବ: ଅନାସ୍ଥା ପ୍ରସ୍ତାବରେ ଆଲୋଚନା ବେଳେ କହିଲେ ପ୍ରଧାନମନ୍ତ୍ରୀ

କେନ୍ଦ୍ର ଗୃହମନ୍ତ୍ରୀ ନିଜ ସମ୍ୱୋଧନରେ କହିଛନ୍ତି, '୧୮୬୦ରୁ ୨୦୨୩ ଯାଏ ଦେଶରେ ଅପରାଧିକ ନ୍ୟାୟ ପ୍ରଣାଳୀ ଇଂରେଜଙ୍କ ଦ୍ୱାରା ପ୍ରସ୍ତୁତ ଆଇନ ଅନୁସାରେ ଚାଲୁଥିଲା । ତିନି ଆଇନକୁ ବଦଳାଯିବ ଏବଂ ଦେଶରେ ଅପରାଧିକ ନ୍ୟାୟ ପ୍ରଣାଳୀରେ ବଡ଼ ପରିବର୍ତ୍ତନ ଅଣାଯିବ' ।

wp:html

#WATCH | Union Home Minister Amit Shah speaks on Bharatiya Nyaya Sanhita Bill, 2023; The Bharatiya Sakshya Bill, 2023 and The Bharatiya Nagrik Suraksha Sanhita Bill in Lok Sabha.

He says, "From 1860 to 2023, the country's criminal justice system functioned as per the laws made… pic.twitter.com/TIcoeaXvjG

— ANI (@ANI) August 11, 2023

/wp:html

କେନ୍ଦ୍ର ଗୃହମନ୍ତ୍ରୀ କହିଛନ୍ତି, 'ମୁଁ ଯେଉଁ ତିନି ବିଧେୟକ ଏକସଙ୍ଗରେ ଆଣିଛି, ଏହା ଭାରତୀୟ ଦଣ୍ଡ ବିଧାନ ପ୍ରକ୍ରିୟା, କ୍ରିମିନାଲ ଜଷ୍ଟିସ୍ ସିଷ୍ଟମରେ ସୁଧାର ଆଣିବ । ଇଣ୍ଡିଆନ୍ ପିନଲ କୋଡ୍ ଯାହା ୧୮୬୦ରେ କରାଯାଇଥିଲା, କ୍ରିମିନଲ ପ୍ରୋସିଜର କୋଡ୍ ୧୮୯୮ରେ ଅଣାଯାଇଥିଲା ଏବଂ ଇଣ୍ଡିଆନ ଏଭିଡେନ୍ସ ଆକ୍ଟ ୧୮୭୨ରେ ଇଂରେଜମାନେ ପାରିତ କରିଥିଲେ । ଏହି ତିନି ଆଇନକୁ ଆଜି ଆମେ ଶେଷ କରିବାକୁ ଯାଉଛୁ' ।

ଗୃହମନ୍ତ୍ରୀ ଅମିତ୍ ଶାହ କହିଛନ୍ତି ଯେ ଏବେ ଭାରତୀୟ ଦଣ୍ଡ ସଂହିତାର ସ୍ଥାନ ଭାରତୀୟ ନ୍ୟାୟ ସଂହିତା ନେବ । ସେହିପରି ସିଆପିସି ସ୍ଥାନରେ ଭାରତୀୟ ନାଗରିକ ସୁରକ୍ଷା ସଂହିତା ରହିବ । ଏବଂ ଏଭିଡେନ୍ସ ଆକ୍ଟର ନାଁ ପରିବର୍ତ୍ତନ କରି ଏବେ ଭାରତୀୟ ସାକ୍ଷ୍ୟ ଅଧିନିୟମ କରାଯାଇଛି ଏବଂ ରାଜଦ୍ରୋହ ଆଇନକୁ ଶେଷ କରିବା ପାଇଁ ପ୍ରସ୍ତାବ ରଖାଯାଇଛି ।

Also Read: ବଦଳିବେ ୨୩ ହାଇକୋର୍ଟର ବିଚାରପତି; ସୁପାରିସ୍ କଲା ସୁପ୍ରିମକୋର୍ଟ କଲେଜିୟମ