ଆଠଗଡ଼ ୪।୧୨: ମର୍ମନ୍ତୁଦ ସଡ଼କ ଦୁର୍ଘଟଣା । ଚାଲିଗଲା ଦୁଇ ନାବାଳକ କଲେଜ ଛାତ୍ରଙ୍କ ଜୀବନ । ମୃତକ ମାନେ ହେଲେ ଆଠଗଡ଼ ଥାନା ଅନ୍ତର୍ଗତ କନ୍ଦରପୁର ପଞ୍ଚାୟତ ଅଞ୍ଚଳର ଅଂଶୁମାନ ଦାସ ଏବଂ ସୋମୁ ରଞ୍ଜନ ବେହେରା ।
ସୂଚନାଯୋଗ୍ୟ ଯେ, ଆଠଗଡ଼ କନ୍ଦରପୁର ବାଲିଆପାଠ ରାସ୍ତା କଡ଼ରେ ସାଇକେଲ ଧରି ଦୁଇ ନାବାଳକ ଛିଡ଼ା ହୋଇଥିଲେ । ସେହି ସମୟରେ ଏକ କେକ୍ କମ୍ପାନୀର ପିକ୍ଅପ୍ ଭ୍ୟାନ୍ଟି ଭାରସାମ୍ୟ ହରାଇ ରାସ୍ତା କଡ଼ରେ ଠିଆ ହୋଇଥିବା ନାବାଳକଙ୍କୁ ଧକ୍କା ଦେଇଥିଲା । ଫଳରେ ଉଭୟ ରାସ୍ତା କଡକୁ ଓଲଟି ପଡ଼ିଥିଲେ । ଗୁରୁତର ଜଣେ ନାବାଳକ ଆଠଗଡ଼ ମେଡ଼ିକାରେ ଭର୍ତ୍ତି ହୋଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଅନ୍ୟ ଜଣଙ୍କୁ ଘଟଣାସ୍ଥଳରୁ କଟକ ବଡ଼ ମେଡିକାଲ ସ୍ଥାନାନ୍ତର କରଯାଇଥିଲା । ସେଠାରେ ଡାକ୍ତର ମଧ୍ୟ ତାଙ୍କୁ ମୃତ ଘୋଷଣା କରିଥିଲେ ।
ଘଟଣାସ୍ଥଳରେ କିଛି ସମୟ ପାଇଁ ଚାପା ଉତ୍ତେଜନା ଦେଖିବାକୁ ମିଳିଥିଲା । ପରେ ଆଠଗଡ଼ ତହସିଲଦାର ଓ ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହିତ ରାସ୍ତାରୁ ଗାଡ଼ି ହଟାଇବା ପରେ ଯାତାୟତ ସ୍ଵାଭାବିକ ହୋଇଥିଲା ।
You Can Read:
ବିଜେଡିର ବରିଷ୍ଠ ବିଧାୟକ ବଦ୍ରି ପାତ୍ରଙ୍କ ବିସ୍ଫୋରକ ବୟାନ, କହିଲେ- ଅତୀତରେ ଆମ ଦଳ ଭୁଲ କରିଛି
