ହରିୟାଣା ୦୩/୧୦: ହରିୟାଣାର ରାଜନୀତି ଏବେ ବେଶ୍ କୌତୁହଳପୂର୍ଣ୍ଣ । ଅକ୍ଟୋବର ୫ରେ ରାଜ୍ୟର ୯୦ଟି ବିଧାନସଭା ଆସନ ପାଇଁ ଭୋଟ୍ ଗ୍ରହଣ ହେବ । ଏଭଳି ପରିସ୍ଥିତିରେ ସମସ୍ତ ପ୍ରାର୍ଥୀ ନିର୍ବାଚନ ପ୍ରଚାରରେ ଲାଗିପଡିଛନ୍ତି । ଏଥିରୁ ବାଦ୍ ପଡିନାହାଁନ୍ତି ପୂର୍ବତନ କ୍ରିକେଟର ବିରେନ୍ଦର ସେହୱାଗ ।
ସେ ମଧ୍ୟ ହରିୟାଣାର ତୋଷାମରେ ପହଞ୍ଚିଥିଲେ ନିର୍ବାଚନ ପ୍ରଚାର ପାଇଁ । କଂଗ୍ରେସ ପ୍ରାର୍ଥୀ ଅନିରୁଦ୍ଧ ଚୌଧୁରୀଙ୍କ ପାଇଁ ଜନତାଙ୍କୁ ମାଗିଥିଲେ ଭୋଟ୍ । ସାକ୍ଷାତକାରରେ ସେହୱାଗ କହିଛନ୍ତି,ମୁଁ ଆଶା କରୁଛି ଯେ ତୋଶାମର ଲୋକମାନେ ବହୁ ସଂଖ୍ୟାରେ ଭୋଟ୍ ଦେଇ ତାଙ୍କୁ ବିଜୟୀ କରାଇବେ ।
ସେ ଆହୁରି ମଧ୍ୟ କହିଛନ୍ତି, ମୁଁ ମୋର କର୍ତ୍ତବ୍ୟ ପାଳନ କରିବାକୁ ଏଠାକୁ ଆସିଛି । ଆମର ଏଠି ଏମିତି ହୁଏ, ଯେତେବେଳେ ଜଣେ ବଡ଼ ଭାଇ କିଛି କାମ କରନ୍ତି, ସମସ୍ତଙ୍କୁ ଏକାଠି ହୋଇ ସାହାଯ୍ୟ କରିବାକୁ ପଡେ । ବାସ୍ ମୁଁ ସେମିତି କରିବାକୁ ଏଠାକୁ ଆସିଛି । ଯେତେବେଳେ ସେହୱାଗ ତୋଷାମରେ ପହଞ୍ଚିଥିଲେ, ସେତେବେଳେ କଂଗ୍ରେସ ପ୍ରାର୍ଥୀ ଅନିରୁଦ୍ଧ ଚୌଧୁରୀ କହିଥିଲେ ଯେ ସାଧାରଣତଃ କ୍ରିକେଟରମାନେ ନିର୍ବାଚନ ପ୍ରଚାର ପାଇଁ ଯାଆନ୍ତି ନାହିଁ କିନ୍ତୁ ଭୀରୁ ସବୁବେଳେ ଆସନ୍ତି । ମୋତେ ତାଙ୍କ ବିଷୟରେ କିଛି କହିବାର ନାହିଁ । ସେ ଏଠାକୁ ଆସିଥିବାରୁ ମୁଁ ଭୀରୁଙ୍କୁ କୃତଜ୍ଞତା ଜଣାଉଛି । ଯେତେବେଳେ ବି ଆମେ ଭେଟ ହୁଏ, ଆମେ କ୍ରିକେଟ୍ ବିଷୟରେ କମ୍ ଏବଂ ବ୍ୟକ୍ତିଗତ ଜୀବନ ବିଷୟରେ ଅଧିକ କଥାବାର୍ତ୍ତା ଚର୍ଚ୍ଚା କରୁ ବୋଲି କଂଗ୍ରେସ ପ୍ରାର୍ଥୀ ଅନିରୁଦ୍ଧ ଚୌଧୁିରୀ କହିଛନ୍ତି ।...