ନୂଆଦିଲ୍ଲୀ: ଭାରତ ମହାସାଗରରେ ଭାରତର ଶକ୍ତି ବଢିଛି । ଚୀନ ଏବଂ ପାକିସ୍ତାନକୁ କଡ଼ା ଜବାବ ଦେବା ପାଇଁ ଆଇଏନଏସ ଇମ୍ଫାଲ ପ୍ରସ୍ତୁତ ଅଛି । ସ୍ୱଦେଶର ନିର୍ମିତ ଷ୍ଟିଲ୍ଥ ଗାଇଡେଡ୍ ମିସାଇଲ୍ ବିଧ୍ୱଂସକ ଆଇଏନଏସ ଇମ୍ଫାଲ ମଙ୍ଗଳବାର ମୁମ୍ୱାଇ ନୌସେନାରେ ସମାରୋହରେ ନୌସେନାରେ ସାମିଲ ହୋଇଛି । ଏହି କାର୍ଯ୍ୟକ୍ରମରେ ରକ୍ଷାମନ୍ତ୍ରୀ ରାଜନାଥ ସିଂ, ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଭାରତୀୟ ନୌସେନାର ଅଧିକାରୀ ଉପସ୍ଥିତ ଥିଲେ ।

କାର୍ଯ୍ୟକ୍ରମରେ ଭାଗ ନେଇ ରାଜନାଥ ସିଂ କହିଛନ୍ତି, 'ଆଇଏନଏସ୍ ଇମ୍ଫାଲର ସବୁଠୁ ବଡ଼ ଶକ୍ତି ହେଉଛି ଏହା ସମ୍ପୂର୍ଣ୍ଣ ରୂପେ ସ୍ୱେଦଶରେ ନିର୍ମିତ ଯୁଦ୍ଧପୋତ । ଆଇଏନଏସ ଇମ୍ଫାଲ ଭାରତୀୟ ନୌସେନାକୁ ଅଧିକ ଶକ୍ତିଶାଳୀ କରିବ'।

wp:html

#WATCH | Mumbai: Indian Navy's commission of stealth guided missile destroyer 'Imphal' at Naval Dockyard.

Defence Minister Rajnath Singh and Maharashtra CM Ekanth Shinde present on the occasion. https://t.co/vrNL26Gctg pic.twitter.com/fLU8AEaEoL

— ANI (@ANI) December 26, 2023

/wp:html

ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ଅନ୍ତରାଷ୍ଟ୍ରୀୟ ଟ୍ରେଡ୍ ଦୃଷ୍ଟିରୁ ଦେଖିବାକୁ ଗଲେ ଭାରତ ଏକ ଦ୍ୱୀପ ଦେଶ ଅଟେ । ଜିଓଗ୍ରାଫି ଦୁଇ ପ୍ରକାର ହୋଇଥାଏ, ଫିଜିଲକ୍ ଜିଓଗ୍ରାଫି ଓ ହ୍ୟୁମନ ଜିଓଗ୍ରାଫି । ଫିଜିଲକ ଜିଓଗ୍ରାଫିରେ ପାହାଡ଼ ଓ ଭ୍ୟାଲି ଆସିଥାଏ । ଅନ୍ୟପଟେ ହ୍ୟୁମନ ଜିଓଗ୍ରାଫିରେ ମନୁଷ୍ୟ ସମାଜ ଓ ସଭ୍ୟତା ଆସିଥାଏ । ଉଲ୍ଲେଖଯୋଗ୍ୟ ଯେ ଉତ୍ତରରେ ହିମାଳୟ ଓ ପଶ୍ଚିମରେ ପାକିସ୍ତାନ ସହ ଶତ୍ରୁତାଯୋଗୁଁ ସେପଟୁ ଆମର ବାଣିଜ୍ୟ ହୋଇପାରୁ ନାହିଁ । ଆମର ଅଧିକାଂଶ ଅନ୍ତରାଷ୍ଟ୍ରୀୟ ବାଣିଜ୍ୟ ସମୁଦ୍ର ଦ୍ୱାରା ହେଉଛି ।

ପଢନ୍ତୁ: ସମୁଦ୍ରରେ ବଢ଼ିଲା ନୌସେନାର ଶକ୍ତି; INS ଇମ୍ଫାଲ ଜଳାବତରଣ, ଲାଗିଛି ମହାବିନାଶକ ସୁପରସୋନିକ୍ ବ୍ରହ୍ମୋସ୍

ରାଜନାଥ ସିଂ କହିଛନ୍ତି, 'ଆଜିକାଲି ସାମୁଦ୍ରିକ ଗତିବିଧି ବୃଦ୍ଧି ପାଇବାରେ ଲାଗିଛି । ଭାରତର ବଢୁଥିବା ଶକ୍ତିରେ ସମସ୍ତେ ଇର୍ଶା କରୁଛନ୍ତି । ଆରବ ଓ ଲାଲ ସାଗରରେ ଜାହାଜ ଉପରେ ହୋଇଥିବା ଡ୍ରୋନ୍ ଆକ୍ରମଣକୁ ଭାରତ ଗମ୍ଭୀରତା ସହ ନେଇଛି । ଭାରତୀୟ ନୌସେନା ସମୁଦ୍ରରେ ନିଜର ନିରୀକ୍ଷଣକୁ ବଢାଇଛି । ଯେଉଁମାନେ ଭାରତ ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି, ସେମାନଙ୍କୁ ଆମେ ସମୁଦ୍ରତଳୁ ବି ଖୋଜି ବାହାର କରିବୁ'।