ଉଦଳା ୨୨।୧୨: ମହିଳାଙ୍କ ଘର ଜାଗା ଉପରେ ପଡୋଶୀ ରଖିଥିଲେ ପଥର । ଯାହାକୁ ବିରୋଧ କରିଥିଲେ ମହିଳା । ବିରୋଧ କରିବାରୁ ମହିଳାଙ୍କୁ ରାସ୍ତା ଉପରେ କଲେ ଆକ୍ରମଣ । ପଥରରେ ଛେଚି ମହିଳାଙ୍କୁ କଲେ ଲହୁଲୁହାଣ । ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ନୁଦଡିହା ଗ୍ରାମରେ ଏଭଳି ଘଟଣା ଘଟିଛି । 

ସୂଚନାଯୋଗ୍ୟ ଯେ, ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ନୁଦଡିହା ଗ୍ରାମର କାନିଆ ମହାନ୍ତି ତାଙ୍କ ପଡୋଶୀ ମିନତୀ ବେହେରା ଜାଗା ଉପରେ ପଥର ବା ମେଣ୍ଟାଲ ଢାଳିଥିଲେ । ଯାହାକୁ ନେଇ କାନିଆଙ୍କୁ ପଥର ରଖିବା ବାବଦରେ ପଚାରିଥିଲେ ମିନତୀ । ଏଥିରେ ଉତକ୍ଷିପ୍ତ ହୋଇ କାନିଆ ପଥର ଆଣି ମିନତୀଙ୍କୁ ଅତର୍କିତ ଆକ୍ରମଣ କରିଥିଲେ । ପଥରରେ ମିନତୀଙ୍କ ମୁଣ୍ଡକୁ ଛେଚିବା ସହିତ ମାଡ଼ ମଧ୍ୟ ମାରିଥିଲେ । ଯେଉଁଥିରେ ମିନତୀଙ୍କ ମୁଣ୍ଡ ଫାଟିବା ସହିତ ପ୍ରବଳ ରକ୍ତସ୍ରାବ ହୋଇଥିଲା । ଗୁରୁତର ଅବସ୍ଥାରେ ତାଙ୍କୁ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରିଥିବା ବେଳେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାରିପଦା ସ୍ଥାନାନ୍ତର କରାଯାଇଛି । 

You Can Read:

ବଲାଙ୍ଗିର ହସ୍ପିଟାଲରେ ବିଚାରାଧୀନ କଏଦୀର ମୃତ୍ୟୁ, ପୋକ୍ସୋ ମାମଲାରେ ହୋଇଥିଲେ ଗିରଫ