ନୂଆଦିଲ୍ଲୀ: ପ୍ରାୟ ଏକ ମାସ ଧରି କୁସ୍ତିଯୋଦ୍ଧାଙ୍କ ଧାରଣା ଜାରି ରହିଛି, ଯାହାର ସମାଧାନ ବର୍ତ୍ତମାନ ସୁଦ୍ଧା ବାହାରି ପାରି ନାହିଁ । ନିକଟରେ ଦିଲ୍ଲୀ ପୋଲିସ କୁସ୍ତିଯୋଦ୍ଧାଙ୍କୁ ଜନ୍ତର ମନ୍ତରରୁ ହଟାଇ ଦେଇଛି । କୁସ୍ତିଯୋଦ୍ଧାଙ୍କ ପଦକ ବିସର୍ଜନ ଘୋଷଣା ପରେ ମଙ୍ଗଳବାର ଦିନ ତମାମ ଏହା ଚର୍ଚ୍ଚାର କେନ୍ଦ୍ରରେ ରହିଥିଲା । ସରକାରଙ୍କୁ ୫ ଦିନର ସମୟ ଦିଆଯାଇଛି । ଏହାରି ଭିତରେ କୁସ୍ତିଯୋଦ୍ଧାଙ୍କ ସମର୍ଥନରେ ବାହାରିଛି ୟୁନାଇଟେଡ୍ ୱାଲର୍ଡ ରେସଲିଂ । କୁସ୍ତିଯୋଦ୍ଧାଙ୍କ ସର୍ବୋଚ୍ଚ ସଂସ୍ଥା ୟୁଡବ୍ଲୁଡବ୍ଲୁ ଭାରତୀୟ କୁସ୍ତି ସଂଘକୁ ନିଲମ୍ୱନ କରିବା ନେଇ ଧକମ ଦେଇଛି । ଉଲ୍ଲେଖଯୋଗ୍ୟ ଯେ ଭାରତୀୟ କୁସ୍ତି ସଂଘର ଅଧ୍ୟକ୍ଷ ଏବଂ ବିଜେପି ସାଂସଦ ବୃଜଭୂଷଣ ଶରଣ ସିଂଙ୍କ ବିରୋଧରେ ଧାରଣ ଦେଉଛନ୍ତି ।

{"id":795371,"width":838,"height":582,"sizeSlug":"full","linkDestination":"none"}

ୟୁନାଇଟେଡ ୱାଲର୍ଡ ରେସଲିଂ ମଙ୍ଗଳବାର ବୟାନ ଜାରି କରି ପୋଲିସ କାର୍ଯ୍ୟାନୁଷ୍ଠାନ ଏବଂ କୁସ୍ତିଯୋଦ୍ଧାଙ୍କୁ ହେପାଜତକୁ ନିଆଯିବା ଘଟଣାର ନିନ୍ଦା କରିଛି । ମେ ୨୮ରେ ପୋଲିସ ଜନ୍ତର ମନ୍ତରରୁ ୧୦୦ରୁ ଅଧିକ ମହିଳା-ପୁରୁଷ କୁସ୍ତିଯୋଦ୍ଧା ଏବଂ ସେମାନଙ୍କ ସମର୍ଥକଙ୍କୁ ହେପାଜତକୁ ନେଇଥିଲା । ତେବେ ବିଳମ୍ୱିତ ସଂଧ୍ୟାରେ ଖେଳାଳିମାନଙ୍କୁ ଛାଡ଼ି ଦିଆଯାଇଥିଲା ।

ୟୁଡବ୍ଲୁଡବ୍ଲୁ କହିଛି ଯେ ନିକଟରେ ଘଟିଥିବା ଘଟଣା ଚିନ୍ତାଜନକ ଅଟେ । କୁସ୍ତିଯୋଦ୍ଧାଙ୍କୁ ପୋଲିସ ହେପାଜତକୁ ନିଆଯିବା ଆହୁରି ଅଧିକ ଚିନ୍ତାଜନକ । ୟୁଡବ୍ଲଡବ୍ଲୁ କୁସ୍ତିଯୋଦ୍ଧାଙ୍କ ସହ ଏଭଳି ବ୍ୟବହାରକୁ ନିନ୍ଦା କରିଛି । ଏହାସହ ଏବେ ଯାଏ କରାଯାଇଥିବା ତଦନ୍ତ ଉପରେ ନିରାଶ ବ୍ୟକ୍ତ କରିଛି । ମାମଲାର ନିରପେକ୍ଷ ତଦନ୍ତ ପାଇଁ ୟୁଡବ୍ଲୁଡବ୍ଲୁ ସମ୍ୱନ୍ଧିତ ଅଧିକାରୀଙ୍କୁ ଆଗ୍ରହ କରିଛି । ଏହାସହ ୪୫ ଦିନ ଭିତରେ ଭାରତୀୟ କୁସ୍ତି ସଂଘର ନିର୍ବାଚନ ନହେଲେ ସଂଘକୁ ନିଲମ୍ୱନ କରାଯାଇ ପାରେ ବୋଲି ଚେତାବନୀ ଦେଇଛି ।

ALSO READ:ଗଙ୍ଗାରେ କୁସ୍ତିଯୋଦ୍ଧାଙ୍କ ପଦକ ବିସର୍ଜନ ଘୋଷଣା ପରେ ଉଠିଲା ପ୍ରଶ୍ନ, ଗଙ୍ଗା ସଭାର ବିରୋଧ; ସରକାରଙ୍କୁ ୫ ଦିନର ସମୟ