ଭୁବନେଶ୍ଵର: ଯେତିକି ଲକ୍ଷ୍ୟ ଥିଲା ତା’ର ଦୁଇ ଗୁଣା ପୁଞ୍ଜି ନିବେଶ ପାଇଁ ମିଳିଛି ପ୍ରତିଶ୍ରୁତି । ଉତ୍କର୍ଷ ଓଡ଼ିଶା ସମ୍ମିଳନୀର ଦୁଇ ଦିନରେ ୧୪୫ MOU ସ୍ବାକ୍ଷର କରିଛନ୍ତି ସରକାର । ଯେଉଁଥିରେ ୧୩ ଲକ୍ଷ କୋଟିର ପୁଞ୍ଜି ନିବେଶ ପାଇଁ ମିଳିଛି ପ୍ରତିଶ୍ରୁତି । ଏଥି ମଧ୍ୟରୁ ମେଟାଲ ଓ ଷ୍ଟିଲ କ୍ଷେତ୍ରରେ ସବୁଠୁ ଅଧିକ ପୁଞ୍ଜି ନିବେଶ ପାଇଁ ପ୍ରତିଶ୍ରୁତି ମିଳିଛି । ଏହା ତଳକୁ ରହିଛି କେମିକାଲ ଓ ପେଟ୍ରୋକେମିକାଲ, ସୌର ଶକ୍ତି, ପବନ ଶକ୍ତି ବା ଅକ୍ଷୟ ଶକ୍ତି ସହ ଜଡ଼ିତ ବିଭିନ୍ନ ପ୍ରକଳ୍ପ । ସେହିଭଳି ନୂଆ ସେକ୍ଟର ଭାବେ ଫାର୍ମା କ୍ଷେତ୍ରରେ ବି ପୁଞ୍ଜି ନିବେଶ ପାଇଁ ଆଗ୍ରହ ଦେଖାଇଛନ୍ତି ବିଭିନ୍ନ କମ୍ପାନୀ । 

ଚକିତ କଲା ଉତ୍କର୍ଷ ଓଡ଼ିଶା ସମ୍ମିଳନୀ । ଲକ୍ଷ୍ୟ ଠାରୁ ଦୁଇ ଗୁଣା ପୁଞ୍ଜି ନିବେଶ ପାଇଁ MOU ।  ଦୁଇ ଦିନରେ ୧୩ ଲକ୍ଷ କୋଟି ଟଙ୍କାର ପୁଞ୍ଜି ନିବେଶ ପାଇଁ ମିଳିଛି ପ୍ର୍ରତିଶ୍ରୁତି । ଉତ୍କର୍ଷ ଓଡ଼ିଶା ସମ୍ମିଳନୀରୁ ୫ଲକ୍ଷ କୋଟି ଟଙ୍କା ପୁଞ୍ଜି ନିବେଶ ପାଇଁ ଆଶା ରଖିଥିଲେ ସରକାର । ହେଲେ ଦୁଇ ଦିନରେ ୧୦୦ରୁ ଅଧିକ କମ୍ପାନୀ ସହ MOU କରିଛନ୍ତି ସରକାର । ଯେଉଁଥିରେ ୧୨ ଲକ୍ଷ ୮୯ ହଜାର କୋଟିର ପୁଞ୍ଜି ନିବେଶ ପାଇଁ ମିଳିଛି ପ୍ରତିଶ୍ରୁତି । ଓଡ଼ିଶାକୁ ଇଣ୍ଡଷ୍ଟ୍ରିଆଲ୍ ହବ୍ କରିବାକୁ ଶିଳ୍ପପତିଙ୍କ ଭିତରେ ଦେଖିବାକୁ ମିଳିଛି ପ୍ରତିଯୋଗୀତା।

ମେଟାଲ ଓ ଷ୍ଟିଲ୍ କ୍ଷେତ୍ରରେ ସବୁଠୁ ଅଧିକ ପୁଞ୍ଜି ନିବେଶ ପାଇଁ ଆଗ୍ରହ ପ୍ରକାଶ କରିଛନ୍ତି ବଡ଼ ଶିଳ୍ପପତି । ଏହା ତଳକୁ ରହିଛି କେମିକାଲ ଓ ପେଟ୍ରୋକେମିକାଲ ପ୍ରୋଜେକ୍ଟ ପାଇଁ MOU । ସେହିଭଳି ତିନି ନମ୍ବରରେ ରହିଛି ସୌର ଶକ୍ତି, ଅକ୍ଷୟ ଶକ୍ତି ପ୍ରୋଜେକ୍ଟ ।  ଏହା ଛଡ଼ା ନୂଆ ସେକ୍ଟର ଭାବେ ଫାର୍ମା କ୍ଷେତ୍ରରେ ବି ପୁଞ୍ଜି ନିବେଶ ପାଇଁ ଆଗ୍ରହ ଦେଖାଇଛନ୍ତି ବିଭିନ୍ନ କମ୍ପାନୀ । ଟେକ୍ସଟାଇଲ୍  ଓ ଆପାରେଲ୍ କ୍ଷେତ୍ରରେ ବି ପୁଞ୍ଜି ନିବେଶ ପାଇଁ ମିଳିଛି ପ୍ରତିଶ୍ରୁତି । ଯେଉଁ କମ୍ପାନୀ କେବେ ଓଡ଼ିଶାକୁ ଆସିବାକୁ ଇଚ୍ଛା କରୁନଥିଲେ ସେମାନେ ଏଥର ଓଡ଼ିଶା ଆସିଛନ୍ତି ଓ ପୁଞ୍ଜି ନିବେଶ ପାଇଁ ଆଗ୍ରହ ଦେଖାଇଛନ୍ତି ।

Also read: ଉତ୍କର୍ଷ ଓଡ଼ିଶା କନକ୍ଲେଭରେ ୧୦ ଲକ୍ଷ କୋଟିର ପୁଞ୍ଜି ନିବେଶ ପ୍ରତିଶ୍ରୁତି: ଶିଳ୍ପ ସଚିବ

କେଉଁ ସେକ୍ଟର ପାଇଁ କେତେ ଟଙ୍କାର ପୁଞ୍ଜି ନିବେଶ ପାଇଁ ହୋଇଛି MOU । ଅକ୍ଷୟ ଶକ୍ତି ଉତ୍ପାଦନ କ୍ଷେତ୍ରରେ ୪ଲକ୍ଷ ୩୩ହଜାର କୋଟିର ପୁଞ୍ଜି ନିବେଶ ପାଇଁ ହୋଇଛି MOU । ମହାନଦୀ କୋଲ୍ ଫିଲଡ୍,  ଏନଏଲସି, ଆଇଓସିଏଲ,ଏଚପିସିଆର୍, ଓଏନଜିସି ତ୍ରିପୁରା, ଆରଇସି ଆଦି କମ୍ପାନୀ ସହ ରାଜ୍ୟ ସରକାର MOU କରିଛନ୍ତି । ୬/୭ ମାସ ମଧ୍ୟରେ ଏହି ସବୁ ପ୍ରକଳ୍ପ କାର୍ଯ୍ୟ ଆରମ୍ଭ ହୋଇଯିବ । କୃଷି ଓ ଖାଦ୍ୟ ପ୍ରକ୍ରିୟା କରଣ ଶିଳ୍ପରେ ବିଭିନ୍ନ ପୁଞ୍ଜି ନିବେଶକାରୀଙ୍କ ସହ ରାଜ୍ୟ ସରକାର ୧ ହଜାର କୋଟିରୁ ଅଧିକ ଟଙ୍କାର ନିବେଶ ପାଇଁ MOU କରିଛନ୍ତି । ଏଥିପାଇଁ ୧୭ଟି ସଂସ୍ଥା ସହ ବୁଝାମଣା ହୋଇଛି । 

ଏଥି ସହ ଡିଜିଟାଲ ମାର୍କେଟିଂ ଓ ଶୀତଳ ଭଣ୍ଡାର ପାଇଁ ନୂଆ ପିଲିସି ଆଣିବାକୁ ବି ନିଷ୍ପତ୍ତି ହୋଇଛି । ହସ୍ତତନ୍ତ ଓ ବୟନଶିଳ୍ପ ବିଭାଗରେ ନିବେଶ ପାଇଁ ୩୬ ଟି କମ୍ପାନୀର ପ୍ରସ୍ତାବ ଆସିଛି | ଯେଉଁଥିରେ ୭ହଜାର ୭ଶହ ୬୨ କୋଟିର ପୁଞ୍ଜି ନିବେଶ   ସହ ପ୍ରାୟ ୯ ହଜାର ନିଯୁକ୍ତି ସୁଯୋଗ ସୃଷ୍ଟି ପାଇଁ ଲକ୍ଷ୍ୟ ରହିଛି । ସେହିଭଳି ପର୍ଯ୍ୟଟନ କ୍ଷେତ୍ରରେ  ୮ହଜାର କୋଟି ପୁଞ୍ଜି ନିବେଶର  ମିଳିଛି ପ୍ରତିଶ୍ରୁତି ମିଳିଛି । ଆଡ୍ଭେଞ୍ଚର ଟୁରିଜିମ , ରିସର୍ଟ, ହୋଟେଲ ଆଦି କ୍ଷେତ୍ରରେ ପୁଞ୍ଜି ନିବେଶ ଲାଗି ହୋଇଛି MOU । 

ଓଡ଼ିଶାରେ ଅପାର ସମ୍ଭାବନା ରହିଛି । ଦେଶର ଶିଳ୍ପ ମାନଚିତ୍ରରେ ଓଡ଼ିଶା ଏକ ଅଗ୍ରଣୀ ଭୂମିକା ନେବା ପାଇଁ ପ୍ରସ୍ତୁତ ହେଉଛି । ଆଉ ନୂଆ ସରକାରଙ୍କ ପ୍ରଥମ ଉତ୍କର୍ଷ ଓଡିଶା ସମ୍ମିଳନୀରୁ ୧୦ ଲକ୍ଷ କୋଟି ଟଙ୍କାର ପୁଞ୍ଜି ନିବେଶ ପ୍ରତିଶୃତି ମୋହନ ସରକାରଙ୍କୁ ବଡ ସ୍ବପ୍ନ ଦେଖିବାକୁ ବଳ ଦେଇଛି ।