ଜଳେଶ୍ବର ୧୯।୪: ସରକାରୀ ଜାଗାରେ ନିର୍ମାଣ ହୋଇଛି କମ୍ୟୁନିଟି ସେଣ୍ଟର । ହାଇକୋର୍ଟଙ୍କ ନିର୍ଦ୍ଦେଶ ଥିଲା ଭାଙ୍ଗିବାକୁ । ପ୍ରଶାସନ ପକ୍ଷରୁ ଉଚ୍ଛେଦ କରିବାକୁ ଆସିଥିଲେ ଅଧିକାରୀ । ଉଚ୍ଛେଦ ବେଳେ ଗ୍ରାମବାସୀ କଲେ ବିରୋଧ । ଉଚ୍ଛେଦ ନକରିପାରି ଶକ୍ତିହୀନ ହୋଇ ଫେରିଗଲା ପ୍ରଶାସନ ।
ସୂଚନାଯୋଗ୍ୟ ଯେ, ବାଲେଶ୍ୱର ଜିଲ୍ଲା ଜଳେଶ୍ୱର ତହସିଲ ଅଧିନସ୍ଥ ମହମ୍ମଦ ନଗର ପାଟଣା ଗ୍ରାମର ଲୋକଙ୍କର ସୁବିଧା ପାଇଁ ସରକାରଙ୍କ ତରଫରୁ ସରକାରୀ ଜାଗାରେ ଏକ କମ୍ୟୁନିଟି ସେଣ୍ଟର ନିର୍ମାଣ ହୋଇଥିଲା । ଏହାକୁ ବିରୋଧ କରି କିଛି ଲୋକ ଉଚ୍ଛେଦ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ହାଇକୋର୍ଟ ଉକ୍ତ ଅଭିଯୋଗ ମୂଳେ ଏହାକୁ ଉଚ୍ଛେଦ ପାଇଁ ଜଳେଶ୍ୱର ତହସିଲକୁ ନିର୍ଦ୍ଦେଶ ଦେଇଥିଲେ ।
ଶନିବାର ଜଳେଶ୍ୱର ତହସିଲଦାର ଗୌରାଙ୍ଗ ଚରଣ ଘୋଷ, ଜଳେଶ୍ୱର ଏସ୍ଡିପିଓ ବ୍ରଜମୋହନ ପ୍ରଧାନ, ଜଳେଶ୍ୱର ଆଇଆଇସି ଜୟନ୍ତ ବେହେରାଙ୍କ ସହିତ ଏକ ପ୍ଲାଟୁନ ପୋଲିସ ଫୋର୍ସ ପହଞ୍ଚି ଥିଲା ଏହାକୁ ଉଚ୍ଛେଦ କରିବାକୁ । ଉଚ୍ଛେଦ ବେଳେ ଗ୍ରାମବାସୀ ଏହାକୁ ବିରୋଧ କରିଥିଲେ । ସରକାରୀ ଜାଗାରେ ସରକାରୀ ଅର୍ଥରେ ଜନସାଧାରଣଙ୍କ ସ୍ୱାର୍ଥ ପାଇଁ ଏହା ନିର୍ମାଣ ହୋଇଛି ବୋଲି କହିବା ସହ ବିରୋଧ କରିଥିଲେ । ଶେଷରେ କମ୍ୟୁନିଟି ସେଣ୍ଟରକୁ ଭାଙ୍ଗି ନପାରି ଶକ୍ତିହୀନ ହୋଇ ଫେରିଯାଇଥିଲା ପ୍ରଶାସନ ।
You Can Read:
ରେଳ ଲାଇନ ନିର୍ମାଣକୁ ବିରୋଧ ବେଳେ ଖଣ୍ଡ ଯୁଦ୍ଧ, ବସ୍ତିବାସିନ୍ଦାଙ୍କ ଆକ୍ରମଣରେ ପୋଲିସ କର୍ମଚାରୀ ଆହତ
