ନୂଆଦିଲ୍ଲୀ: ପ୍ରଧାନମନ୍ତ୍ରୀ ସୂର୍ଯ୍ୟ ଘର ମାଗଣା ବିଦ୍ୟୁତ୍ ଯୋଜନାକୁ କ୍ୟାବିନେଟ୍ ମଞ୍ଜୁରୀ ହୋଇଛି। କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ସୂଚନା ଦେଇଛନ୍ତି ଯେ ଏହା ସହ ଏକ କୋଟି ଘରକୁ ୩୦୦ ୟୁନିଟ୍ ମାଗଣା ବିଦ୍ୟୁତ୍ ମିଳିବ। ଏହା ବ୍ୟତୀତ ବାର୍ଷିକ ୧୫୦୦୦ ଟଙ୍କା ଆୟ ମଧ୍ୟ ହେବ।
୨ କିଲୋୱାଟ ପର୍ଯ୍ୟନ୍ତ ସୋଲାର ପ୍ଲାଣ୍ଟ ପାଇଁ ସରକାର ୬୦ ପ୍ରତିଶତ ସବସିଡି ଦେବେ, ଏହା ପରେ ଯଦି ୧ କିଲୋୱାଟ ଅଧିକ ବୃଦ୍ଧି କରନ୍ତି ତେବେ ୪୦ ପ୍ରତିଶତ ସବସିଡି ଦିଆଯିବ। ପ୍ରତ୍ୟେକ ପରିବାର ସୋଲାର ପ୍ଲାଣ୍ଟ ସ୍ଥାପନ ପାଇଁ ପ୍ରାୟ ୭୮ ହଜାର ଟଙ୍କା ସବସିଡି ପାଇବେ। ଏହି ଯୋଜନା ପାଇଁ ୭୫ ହଜାର କୋଟି ଟଙ୍କାର ବଜେଟ୍ ଅନୁମୋଦନ କରାଯାଇଛି।
wp:html/wp:htmlसूर्यवंशी भगवान श्री राम के आलोक से विश्व के सभी भक्तगण सदैव ऊर्जा प्राप्त करते हैं।
— Narendra Modi (@narendramodi) January 22, 2024
आज अयोध्या में प्राण-प्रतिष्ठा के शुभ अवसर पर मेरा ये संकल्प और प्रशस्त हुआ कि भारतवासियों के घर की छत पर उनका अपना सोलर रूफ टॉप सिस्टम हो।
अयोध्या से लौटने के बाद मैंने पहला निर्णय लिया है कि… pic.twitter.com/GAzFYP1bjV
ଯଦି ଏକ ଆରଡବ୍ଲୁଏ କିମ୍ବା ଏକ ଗ୍ରୁପ୍ ହାଉସିଂ ସୋସାଇଟି ଇଲେକ୍ଟ୍ରିକ୍ ଯାନ ପାଇଁ ସାଧାରଣ ଆଲୋକ କିମ୍ବା ଚାର୍ଜର ପାଇଁ ପ୍ଲାଣ୍ଟ ସ୍ଥାପନ କରିବାକୁ ଚାହୁଁଛନ୍ତି, ତେବେ କିଲୋୱାଟ ପ୍ରତି ୧୮ ହଜାର ଟଙ୍କା ସବସିଡି ଦିଆଯିବ।
ଅନୁରାଗ ଠାକୁର ଏହା ମଧ୍ୟ ସୂଚନା ଦେଇଛନ୍ତି ଯେ ସାରର ମୂଲ୍ୟ ଗତ ବର୍ଷ ଭଳି ସମାନ ରହିବ। ଏଥିରେ କୌଣସି ବୃଦ୍ଧି ନକରିବାକୁ ସରକାର ନିଷ୍ପତ୍ତି ନେଇଛନ୍ତି। ଆନ୍ତର୍ଜାତୀୟ ବଜାରରେ ମୂଲ୍ୟ ବୃଦ୍ଧି ହୋଇଥିଲେ ହେଁ DAP ର ମୂଲ୍ୟ ସମାନ ରହିବ। ମୋଟ ୨୪୦୦୦ କୋଟି ଟଙ୍କା ସବସିଡି ଦେବାକୁ ନିଷ୍ପତ୍ତି ନିଆଯାଇଛି।
