ଚାନ୍ଦବାଲି ୩୦/୧୦: ‘ଦାନା’ ଚାଲିଯାଇଛି, ହେଲେ ଛାଡ଼ିଯାଇଛି ଅସରନ୍ତି ଦୁଃଖ । ବାତ୍ୟାର ପ୍ରଚଣ୍ଡ ପ୍ରହାରରେ ଭଦ୍ରକ ଜିଲ୍ଲାରେ ଛାରଖାର ହୋଇଛି ଧାନ ସାଙ୍ଗକୁ ପନିପରିବା ଚାଷ । ବନ୍ୟାରେ ପାଣିରେ ନଷ୍ଟ ହୋଇଛି ହେକ୍ଟର ହେକ୍ଟର ଫସଲ । ବୁଧବାର ପ୍ରଦେଶ କଂଗ୍ରେସର ପୂର୍ବତନ ସଭାପତି ନିରଞ୍ଜନ ପଟ୍ଟନାୟକର ବାତ୍ୟା ଅଞ୍ଚଳ ପରିଦର୍ଶନ କରିଛନ୍ତି । ଚାନ୍ଦବାଲି ଅଞ୍ଚଳର ଚାଷୀଙ୍କ ସହିତ ଆଲୋଚନା କରିଛନ୍ତି । ସରକାର କ୍ଷୟକ୍ଷତି ଆକଳନ କରି ଶୀଘ୍ର ଚାଷୀଙ୍କୁ ସହାୟତା ଯୋଗାଇବାକୁ ଦାବି କରିଛନ୍ତି ନିକଞ୍ଜନ ପଟ୍ଟନାୟକ ।
୨୭ ତାରିଖରେ ମୁଖ୍ୟମନ୍ତ୍ରୀ ଆକାଶ ମାର୍ଗରୁ ପାରାଦୀପ, ମହାକାଳପଡା, ରାଜନଗର, ରାଜକନିକା ଓ ଚାନ୍ଦବାଲିର ସମୁଦ୍ର ତଟବର୍ତ୍ତୀ ଅଞ୍ଚଳ ଅନୁଧ୍ୟାନ କରିଥିଲେ। ଆକାଶ ମାର୍ଗରୁ ପରିଦର୍ଶନ ପରେ ମୁଖ୍ୟମନ୍ତ୍ରୀ ବିଭିନ୍ନ ସମ୍ପୃକ୍ତ ବିଭାଗକୁ କ୍ଷୟକ୍ଷତିର ତୁରନ୍ତ ଆକଳନ କରିବାରୁ ନିର୍ଦ୍ଦେଶ ଦେଇଥିଲେ । ରିପୋର୍ଟ ଆସିବା ପରେ ତରୁନ୍ତ ବାତ୍ୟା ପ୍ରଭାବିତଙ୍କୁ ସହାୟତା ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ କହିଥିଲେ ।
