ଭଦ୍ରକ ୧୯।୬: ଦୁଇ ଟ୍ରକ ମୁହାଁମୁହିଁ ଧକ୍କା । ଦୁର୍ଘଟଣାରେ ଡ୍ରାଇଭରଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ଡ୍ରାଇଭର ଗୁରୁତର ହୋଇଛନ୍ତି । ୧୬ ନମ୍ବର ଜାତୀୟ ରାଜପଥର ବହୁଦରଡା ଛକ ନିକଟରେ ଦୁଇ ଟ୍ରକ୍ ମୁହାଁମୁହିଁ ଧକ୍କା ହୋଇଛି ।
ସୂଚନାଯୋଗ୍ୟ ଯେ, ୧୬ ନମ୍ବର ଜାତୀୟ ରାଜପଥର ବହୁଦରଡା ଛକ ନିକଟରେ ରାଜପଥ ମରାମତି ପାଇଁ ଗୋଟିଏ ପାର୍ଶ୍ଵ ରାଜପଥ ବନ୍ଦ ରହିଛି । ଗୋଟିଏ ପାର୍ଶ୍ଵରେ ଗାଡି ଚଳାଚଳ କରୁଥିବାରୁ ଦୁଇ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଗୋଟିଏ ଗାଡିର ଡ୍ରାଇଭରକୁ ମୃତ ଘୋଷଣା କରାଯାଇଛି । ଘଟଣା ସ୍ଥଳର ପୋଲିସ ପହଞ୍ଚି ସ୍ଥିତି ସମ୍ଭାଳିଛି । ଏପରିକି ଘଟଣା ପରେ ପରେ ଅନେକ ସମୟ ପର୍ଯ୍ୟନ୍ତ ଗାଡି ଚଳାଚଳ ବାଧାପ୍ରାପ୍ତ ହେବା ସହ ପୋଲିସ ପହଞ୍ଚି ଗାଡି ଚଳାଚଳ ସ୍ଵାଭାବିକ କରିଛି । ମୃତକଙ୍କ ପରିଚୟ ମିଳିନଥିବା ବେଳେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି ।
You Can Read :
