ଟାଙ୍ଗୀ: ଗଞ୍ଜେଇ ପାର୍ସଲ ଗ୍ୟାଙ୍ଗକୁ ଧରିଲା ଅବକାରୀ ଟିମ୍। ଏକ ବସ୍ତାରେ ଗଞ୍ଜେଇ ଭର୍ତ୍ତି କରି ଚାଲାଣ କରୁଥିବାବେଳେ ଧରିଲା ବାଲୁଗାଁ ଅବକାରୀ ପୋଲିସ । ସୂଚନା ଅନୁଯାୟୀ, ଗଞ୍ଜେଇ ଚୋରା ଚାଲାଣ କରାଯିବା ନେଇ ପୂର୍ବ ସୂଚନା ମୁତାବକ ବାଲୁଗାଁ ବାଇପାସ ଛକ ନିକଟରେ ଜଗି ରହିଥିଲା ପୋଲିସ। ଆଉ ଏହି ଗ୍ୟାଙ୍ଗକୁ ଗଞ୍ଜେଇ ଚୋରା ଚାଲାଣ କରୁଥିବାବେଳେ ଧରିବାରେ ସଫଳ ହୋଇଛି। ଗଞ୍ଜେଇ ବୋଲି କେହି ଯେପରି ସନ୍ଦେହ ନକରିବେ ସେଥିପାଇଁ ଏମାନେ ଏକ ବସ୍ତାରେ ଭର୍ତ୍ତି କରି ନେଉଥିଲେ।
ତେବେ ପୋଲିସ ଗଞ୍ଜେଇ ସହ ୩ ଜଣକୁ ଗିରଫ କରିଛି। ଗିରଫ ହୋଇଥିବା ଅଭିଯୁକ୍ତଙ୍କ ମଧ୍ୟରେ ଅଛନ୍ତି ୨ ମହିଳା। ଗିରଫ ୨ ମହିଳା ଅଭିଯୁକ୍ତ ଗଞ୍ଜାମ ଜିଲ୍ଲାର ସେମାନଙ୍କ ନାଁ ଖତୀ ଦାସ ଓ ଝୁନା ବେହେରା । ଏହି ଗଞ୍ଜେଇ ବସ୍ତା ଭୁବନେଶ୍ୱର ଯିବାର ଥିଲା ବୋଲି କହିଛନ୍ତି ଗିରଫ ଅଭିଯୁକ୍ତ। ସେପଟେ ଆଗକୁ ଏମାନଙ୍କ ମାଷ୍ଟର ମାଇଣ୍ଡକୁ ଧରାଯିବା ପାଇଁ ଆହୁରି ଜୋରଦାର ଚେଷ୍ଟା କରାଯିବା ନେଇ ବାଲୁଗାଁ ଅବକାରୀ ବିଭାଗ ପକ୍ଷରୁ କୁହାଯାଇଛି ।
