ଉଦଳା ୨୪।୧୦: ବାତ୍ୟା ‘ଦାନା’ ପ୍ରଭାବରେ ବଢିଛି ପବନ ଏବଂ ବର୍ଷା । ଯାହା ପ୍ରଭାବରେ ମାଛ ଧରିବାକୁ ଯାଇଥିବା ଜଣେ ମତ୍ସ୍ୟଜୀବୀ ଟାପୁରେ ଫସି ରହିଥିଲେ । ଦୀର୍ଘ ୨ ଘଣ୍ଟାରୁ ଅଧିକ ହେବ ଫସି ରହିଥିବା ମତ୍ସ୍ୟଜୀବୀଙ୍କୁ ଉଦ୍ଧାର କଲା ଓଡ୍ରାଫ ଟିମ୍ । କପ୍ତିପଦା ବ୍ଲକ କାଳ ଡ୍ୟାମ୍ରେ ଟାପୁ ଭିତରେ ଫସି ରହିଥିଲେ ମତ୍ସ୍ୟଜୀବୀ ପ୍ରଶାନ୍ତ କୁମାର ମଢେଇ । ଗୁରୁବାର ସକାଳେ ସେ ମାଛ ଧରିବାକୁ ଡ୍ୟାମ୍ ଭିତରକୁ ଯାଇଥିବା ବେଳେ ପବନର ବେଗ ବଢିବା ସହିତ ଡ୍ୟାମ୍ରେ ଜୁଆର ଆସିବାରୁ ଟାପୁରେ ଫସି ରହିଥିଲେ ଯୁବକ । ଦୀର୍ଘ ଦେଢ଼ ଘଣ୍ଟାର ଅପରେସନ ପରେ ଯୁବକଙ୍କୁ ଓଡ୍ରାଫ ଟିମ୍ ଉଦ୍ଧାର କରିଛି । ଯୁବକଙ୍କୁ ଉଦ୍ଧାର କରିବା ପାଇଁ ଓଡ୍ରାଫ ଟିମ୍କୁ ବହୁ ସମସ୍ୟାର ସାମ୍ନା କରିବାକୁ ପଡିଥିଲା । ଶେଷରେ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଛି । ବର୍ଷା ଏବଂ ପବନ ମାଡ଼ ଖାଇବା କାରଣରୁ ସେ ଭଲ ଭାବେ କଥା କହିପାରୁ ନଥିବା ଜଣାପଡିଛି ।
You Can Read:
ଗୁରୁବାର ସନ୍ଧ୍ୟା ୫ଟାରୁ ଶୁକ୍ରବାର ସକାଳ ୯ଟା ଯାଏଁ ବିମାନ ସେବା ବନ୍ଦ, ୪୦ ବିମାନ ସେବା ପ୍ରଭାବିତ ହେବ
