ଭଦ୍ରକ ୧୪।୧୧: ପୂର୍ବତନ ସରପଞ୍ଚଙ୍କୁ ହତ୍ୟା ଘଟଣାରେ ଚାଲିଛି ଛାନଭିନ୍ । ପୋଖରୀରୁ ମିଳିଲା ପୂର୍ବତନ ସରପଞ୍ଚଙ୍କ ବାଇକ୍ । ଗ୍ରାମବାସୀ ମାନେ ପୋଖରୀରେ ଖୋଜାଖୋଜି କରିବା ବେଳେ ବାଇକ୍ ମିଳିଲା ।
ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ବନ୍ଧଗାଁର ପୂର୍ବତନ ସରପଞ୍ଚ ଚିତ୍ତରଞ୍ଜନ ରାଉତଙ୍କୁ ପଛରୁ ହାଣି ହତ୍ୟା କରାଯାଇଛି । ସେ ଅଷ୍ଟପ୍ରହରୀରୁ ଫେରିବା ବେଳେ ହତ୍ୟା କରାଯାଇଥିଲା । ଘର ନିକଟରୁ ପ୍ରାୟ ଅଧ କିଲୋମିଟର ଦୂରରୁ ମୃତଦେହ ରକ୍ତାକ୍ତ ଅବସ୍ଥାରେ ଏକ ରାସ୍ତା କଡ ବିଲରୁ ଉଦ୍ଧାର ହୋଇଥିଲା । ମୃତଦେହ ମିଳିଥିବା ବେଳେ ଚିତ୍ତରଞ୍ଜନଙ୍କ ବାଇକ୍ ଓ ମୋବାଇଲ୍ ମିଳିନଥିଲା । ଗ୍ରାମବାସୀ ମାନେ ଗାଁ ନିକଟରେ ଥିବା ପୋଖରୀରେ ଖୋଜାଖୋଜି କରୁଥିଲେ । ଗୋଟିଏ ପୋଖରୀରୁ ଖୋଜାଖୋଜି ବେଳେ ବାଇକ୍ ଠାବ ହୋଇଛି । ବାଇକ୍ଟି ଚିତ୍ତଙ୍କର ବୋଲି ସୂଚନା ମିଳିଛି । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଛି । ସେହି ସ୍ଥାନରୁ ଗୋଟିଏ ପଟ ଚପଲ ମଧ୍ୟ ଠାବ ହୋଇଥିବା ବେଳେ ଚପଲ କାହାର ତାହା ଜଣାପଡି ନାହିଁ । ତେବେ ଏପର୍ଯ୍ୟନ୍ତ ମୋବାଇଲ ବିଷୟରେ କୌଣସି ସୂଚନା ମିଳିନାହିଁ ।
You Can Read:
ଶୁକ୍ରବାର ଶ୍ରୀମନ୍ଦିରରେ ମହାପ୍ରଭୁଙ୍କ ସୁନାବେଶ, ଶୃଙ୍ଖଳିତ ଦର୍ଶନ ଓ ସୁରକ୍ଷା ପାଇଁ ମୁତୟନ ହେବେ ୩୬ ପ୍ଲାଟୁନ ଫୋର୍ସ
