ଟିଟିଲାଗଡ ୨୮/୧୦: ଶୁନଶାନ ରାତି । ପାହାଡ ପଛପଟେ ଚାଲିଥିଲା ଜୁଆ ଖେଳ । ହଠାତ ରେଡ୍‌ କରି ୧୧ ଜୁଆଡିଙ୍କୁ ମାଡିବସିଲା ପୋଲିସ । ଟିଟିଲାଗଡ ସ୍ଥିତ କୁମୁଡା ପାହାଡ ପଛ ପଟେ ଜୁଆ ଖେଳ ଚାଲିଥିବାବେଳେ ଚଡାଉ କରିଥିଲା ପୋଲିସ । ପୋଲିସକୁ ଦେଖି ଜୁଆଡି ଚମ୍ପଟ ମାରିବାକୁ ଉଦ୍ୟମ କରୁଥିଲେ । ହେଲେ ଖସିପାରିନଥିଲେ । ଘଟଣାସ୍ଥଳରୁ ୧୧ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେମାନଙ୍କ ନିକଟରୁ ନଗଦ ୩୨ ହଜାର ଟଙ୍କା,୨ଟି ମୋବାଇଲ ଓ ୬ଟି ମୋବାଇଲ ଫୋନ ଜବତ କରାଯାଇଛି ।ସମସ୍ତ ଅଭିଯୁକ୍ତମାନେ ଟିଟିଲାଗଡ ଓ ଆଖପାଖ ଅଞ୍ଚଳର । ସେମାନଙ୍କ ନାଁରେ ପୂର୍ବରୁ ମଧ୍ୟ ଅନେକ ମାମଲା ରହିଥିବା ପ୍ରେସ୍‌ମିଟ୍‌ କରି ସୂଚନା ଦେଇଛନ୍ତି ଟିଟିଲାଗଡ ଏସ୍‌ଡିପିଓ ଅଙ୍କିତା କୁମ୍ଭାର ।