ଆଇପିଏଲ୍‌ ଇତିହାସରେ ପ୍ରଥମ ଘଟଣା, ଇତିହାସ ରଚିଲେ ହାର୍ଦ୍ଦିକ

Published By : Prameya-News7 Bureau | April 05, 2025 IST

ନୂଆଦିଲ୍ଲୀ ୦୫/୦୪: ଘରୋଇ ଲକ୍ଷ୍ନୌ ସୁପରଜାଏଣ୍ଟ୍‌ସ ବିପକ୍ଷ ଲିଗ୍‌ ମୁକାବିଲାରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଏକ ରେକର୍ଡ଼ ନିଜ ନାମରେ ଲେଖାଇଛନ୍ତି ।  ସେ ଆଇପିଏଲ୍‌ରେ ପ୍ରଥମ ଅଧିନାୟକ ଭାବେ ୫ ୱିକେଟ୍‌ ନେଇ ଇତିହାସ ରଚିଛନ୍ତି । 

ଶୁକ୍ରବାର ପାଣ୍ଡ୍ୟା ଘାତକ ସାବ୍ୟସ୍ତ ହୋଇଥିଲେ । ସେ ୪ ଓଭର ୩୬ରନ୍‌ ପ୍ରଦାନ କରିଥିଲେ ଏବଂ  ସୁପରଜାଏଣ୍ଟ୍‌ସର ଆଡେନ ମାରକ୍ରମ, ନିକୋଲାସ ପୂରନ, ରିଷଭ ପନ୍ତ, ଡେଭିଡ୍‌ ମିଲର ଏବଂ ଆକାଶ ଦୀପ୍‌ଙ୍କ ୱିକେଟ୍‌ ଅକ୍ତିଆର କରିଥିଲେ ।  ଟି-ଟ୍ୱେଣ୍ଟି ଫର୍ମାଟ କ୍ରିକେଟରେ ଏହା ତାଙ୍କର ଶ୍ରେଷ୍ଠ  ପ୍ରଦର୍ଶନ ରହିଥିଲା । ପୂର୍ବରୁ ସେ ୨୦୨୩ରେ  ନ୍ୟୁଜିଲାଣ୍ଡ ବିପକ୍ଷ ଟି-ଟ୍ୱେଣ୍ଟିରେ ୧୬ରନ୍‌ ଦେଇ ୪ଟି ୱିକେଟ୍‌ ହାସଲ କରିଥିଲେ । 

ଆଇପିଏଲ୍‌ ଅଧିନାୟକ ଭାବେ ସେନ୍‌  ୱାର୍ଣ୍ଣଙ୍କ ନାମରେ ସର୍ବାଧିକ ୱିକେଟ୍‌ ରେକର୍ଡ଼  ରହିଛି । ସେ ମୋଟ ୫୭ଟି ୱିକେଟ୍‌ ନେଇଥିଲେ । ପାଣ୍ଡ୍ୟା ୩୦ ୱିକେଟ୍‌ ସହ ଦ୍ୱିତୀୟ, ଅନିଲ କୁମ୍ବଲେ  ୩୦ ୱିକେଟ୍‌ ସହ ତୃତୀୟ, ରବିଚନ୍ଦ୍ରନ ଅଶ୍ୱିନ  ୨୫ ୱିକେଟ୍‌ ସହ ଚତୁର୍ଥ ଏବଂ ପ୍ୟାଟ୍‌ କମିନ୍ସ ୨୧  ୱିକେଟ୍‌ ସହ ପଞ୍ଚମ ସ୍ଥାନରେ ରହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.