ମୁମ୍ୱାଇ ୦୫/୦୪: ଲକ୍ଷ୍ନୌ ସୁପରଜାଏଣ୍ଟ୍ସ ବିପକ୍ଷ ମ୍ୟାଚ୍‌ରେ ମାଟି କାମୁଡିଛି ମୁମ୍ୱାଇ ଇଣ୍ଡିଆନ୍ସ । ତେବେ ତିଲକ ବର୍ମାଙ୍କ ଖରାପ ବ୍ୟାଟିଂ ହେତୁ ୧୯ ଓଭରରେ ରିଟାୟାର୍ଡ ହଟ୍ ହେବାକୁ ପଡିଥିଲା । କାରଣ ପ୍ରତି ରନ୍ କରିବାରେ ସେ ହୋଇଥିଲେ ବିଫଳ । ଚୌକା-ଛକା ମାରି ମ୍ୟାଚ୍ ଜିତିବା ପାଇଁ ତାଙ୍କର ସମସ୍ତ ପ୍ରୟାସ ବିଫଳ ହେଉଥିଲା । 

ଏସବୁକୁ ଦେଖି କିଛି ଏମିତି ନିଷ୍ପତ୍ତି ନେଇଥିଲା ମୁମ୍ବାଇ ଇଣ୍ଡିଆନ୍ସ । ତାଙ୍କ ସ୍ଥାନରେ ମିଚେଲ ସାଣ୍ଟନର ବ୍ୟାଟିଂ କରିବାକୁ ଆସିଥିଲେ । ତଥାପି କିଛି ଫଳପ୍ରଦ ହୋଇନଥିଲା, ଶେଷରେ ମୁମ୍ବାଇକୁ ପରାଜୟର ସାମ୍ନା କରିବାକୁ ପଡିଥିଲା । ତେବେ ମ୍ୟାଚ୍ ପରେ, ଅନେକ କ୍ରିକେଟ୍ ବିଶାରଦ ଏହାକୁ ଏକ ଭୁଲ୍ ନିଷ୍ପତ୍ତି ବୋଲି କହିଥିଲେ । ଏବେ ପ୍ରଶ୍ନ ଉଠୁଛି, କାହାର ନିର୍ଦ୍ଦେଶରେ ଫେରଆସିଥିଲେ ତିଲକ? ଅଧିନାୟକ ହାର୍ଦ୍ଦିକ ପାଣ୍ଡ୍ୟା ନା ମୁଖ୍ୟ ପ୍ରଶିକ୍ଷକ ମାହେଲା ଜୟବର୍ଦ୍ଧନେ? 

କହିବାକୁ ଗଲେ ଲକ୍ଷ୍ନୌ ସୁପରଜାଏଣ୍ଟ୍ସ ବିପକ୍ଷରେ ପରାଜୟ ପରେ, ମୁମ୍ବାଇ ଇଣ୍ଡିଆନ୍ସର ମୁଖ୍ୟ ପ୍ରଶିକ୍ଷକ ନିଜେ ପ୍ରକାଶ କରିଥିଲେ ଯେ ତିଲକ ବର୍ମାଙ୍କୁ ରିଟାୟାର୍ଡ ହଟ୍‌ କରିବା ନିଷ୍ପତ୍ତି ତାଙ୍କର ଥିଲା । ତାଙ୍କ ମତରେ, ଏହା ଏକ ରଣନୀତିର ଅଂଶ ଭାବରେ କରାଯାଇଥିଲା । ମ୍ୟାଚ୍‌ର ସ୍ଥିତି ଦେଖି, ସେ ଫୁଟବଲ୍‌ ମ୍ୟାଚ୍ ପରି ତିଲକ ବର୍ମାଙ୍କୁ ଡକାଇପଠାଇଥିଲେ। ସେ କହିଥିଲେ ଯେ ଯେପରି ଏକ ଫୁଟବଲ୍ ମ୍ୟାଚ୍‌ରେ, ପରିଚାଳକ ଶେଷ ମୁହୂର୍ତ୍ତରେ ତାଙ୍କର ବଦଳ ଖେଳାଳିଙ୍କୁ ପଡ଼ିଆକୁ ଆଣନ୍ତି । ସେହିପରି ସେ କ୍ରିକେଟ୍‌ରେ ଏକ ନୂତନ ପରୀକ୍ଷଣ କରିବାକୁ ଚେଷ୍ଟା କରିଥିଲେ, ଯାହା ବହୁତ ଆକର୍ଷଣୀୟ ଥିଲା।

ପ୍ରକୃତରେ, ମୁମ୍ବାଇକୁ ଶେଷ ୨ ଓଭରରେ ୨୯ ରନ୍ ଆବଶ୍ୟକ ଥିଲା। କିନ୍ତୁ ଯେତେବେଳେ ତିଲକ ବର୍ମା, ଯିଏ ଲଗାତାର ରନ ସ୍କୋର କରିବାକୁ ସଂଘର୍ଷ କରୁଥିଲେ । ଏହି ଓଭରରେ ମଧ୍ୟ କୌଣସି ବାଉଣ୍ଡାରୀ ମାରିପାରିଲେ ନାହିଁ । ପଞ୍ଚମ ବଲ ପରେ ତାଙ୍କୁ ରିଟାୟାର୍ଡ ହଟ୍ କରିବାକୁ ନିଷ୍ପତ୍ତି ନିଆଯାଇଥିଲା । ସେ ୨୩ ବଲ୍‌ରେ ମାତ୍ର ୨୫ ରନ୍ କରିଥିଲେ ଏବଂ ତା’ପରେ ତାଙ୍କୁ ପଡ଼ିଆ ଛାଡ଼ିବାକୁ ପଡିଥିଲା । 

ଏହିପରି, ସେ IPL ଇତିହାସରେ ରିଟାୟାର୍ଡ ହଟ୍ ହେବାରେ କେବଳ ଦ୍ୱିତୀୟ ବ୍ୟାଟସମ୍ୟାନ୍ ହୋଇଥିଲେ। ତାଙ୍କ ପୂର୍ବରୁ, ୨୦୨୨ ମସିହାରେ, ରବିଚନ୍ଦ୍ରନ ଅଶ୍ୱିନ ମଧ୍ୟ ରାଜସ୍ଥାନ ପାଇଁ ଖେଳୁଥିବା ସମୟରେ ଲକ୍ଷ୍ନୌ ବିପକ୍ଷ ମ୍ୟାଚ୍ ରେ ରିଟାୟାର୍ଡ ହଟ୍ ଥିଲେ ।

ଯେତେବେଳେ ତିଲକ ରିଟାୟାର୍ଡ ହଟ୍ ହୋଇଥିଲେ, ପ୍ରଥମ ପ୍ରଶ୍ନ ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଉଠିଥିଲା । ସାଧାରଣତଃ କ୍ରିକେଟରେ ଏପରି ବଡ଼ ନିଷ୍ପତ୍ତି ଅଧିନାୟକ ନେଇଥାନ୍ତି। 

ତିଲକଙ୍କୁ ଆଉଟ୍ ଏବଂ ତାଙ୍କ ସ୍ଥାନରେ ସାଣ୍ଟନରଙ୍କୁ ପଠାଇବା ସମୟ ଉପରେ ବିଶେଷଜ୍ଞମାନେ ପ୍ରଶ୍ନ ଉଠାଇଥିଲେ।  ସେ କହିଛନ୍ତି ଯେ ଏହା ପୂର୍ବରୁ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଗୁଜରାଟ ଟାଇଟାନ୍ସ ବିପକ୍ଷରେ ଏକ ଧୀର ଇନିଂସ ଖେଳିଥିଲେ । ସେ ୧୭ ବଲ୍‌ରେ ମାତ୍ର ୧୧ ରନ୍ କରିପାରିଥିଲେ । ସେତେବେଳେ ଏପରି କୌଣସି ନିଷ୍ପତ୍ତି ନିଆଯାଇ ନଥିଲା। ଯଦି ତିଲକଙ୍କୁ ବାହାରକୁ ପଠାଇବାକୁ ପଡୁଥିଲା, ତେବେ ତାଙ୍କୁ ଏହି ପଦକ୍ଷେପ ୨-୩ ଓଭର ପୂର୍ବରୁ ନେବା ଉଚିତ ଥିଲା।