ରାଉରକେଲା,୧୧/୦୧: ହକି ଇଣ୍ଡିଆ ଲିଗ୍ । ପଏଣ୍ଟ ଟେବୁଲ ଶୀର୍ଷରେ ତାମିଲନାଡ଼ୁ ଡ୍ରାଗନ । ଶୁକ୍ରବାର ବେଙ୍ଗଲ ଟାଇଗର୍ସ ହରାଇ ଟପ୍ରେ ପହଞ୍ଚିଛି । ସଂଘର୍ଷପୂର୍ଣ୍ଣ ମ୍ୟାଚକୁ ଡ୍ରାଗନ ୨-୧ ଗୋଲରେ ଜିତି ନେଇଛି । ମ୍ୟାଚର ପ୍ରଥମ କ୍ୱାର୍ଟର ଖେଳ ଗୋଲଶୂନ୍ୟ ରହିଥିଲା । ଦ୍ୱିତୀୟ କ୍ୱାର୍ଟରର ଆରମ୍ଭରୁ ଡ୍ରାଗନ୍ସ ଗୋଲ୍ ଖାତା ଖୋଲିଥିଲା । ୧୬ ମିନିଟରେ ଏହି ଗୋଲ୍ ଦେଇଥିଲେ ସେଲଭମ୍ କାର୍ଥି । ୩୫ ମିନିଟରେ ରୁପିନ୍ଦର ପାଲ୍ ସିଂ ପୂର୍ବ ଗୋଲ୍ର ପ୍ରତିଶୋଧ ନେଇଥିଲେ । ଫଳରେ ବେଙ୍ଗଲ ଟାଇଗର୍ସ ପ୍ରଥମ ଗୋଲ୍ ଦେବାରେ ସଫଳ ହୋଇଥିଲା । ଏହାର ୨ ମିନିଟରେ ମଧ୍ୟରେ ଡ୍ରାଗନ୍ସ ଦ୍ୱିତୀୟ ଗୋଲ୍ ଦେଇ ପୁଣି ଦଳକୁ ୨-୧ରେ ଅଗ୍ରଣୀ କରାଇଥିଲେ ।
ଦ୍ବିତୀୟ ଗୋଲ୍ ଉତ୍ତମ ସିଂ ୩୭ ମିନିଟରେ ଦେଇଥିଲେ । ପରବର୍ତ୍ତୀ ସମୟ ଖେଳ ସଂଘର୍ଷପୂର୍ଣ୍ଣ ରହିଥିଲା । ବହୁ ପ୍ରୟାସ ସତ୍ତ୍ବେ ଟାଇଗର୍ସ ମ୍ୟାଚ୍କୁ ଫେରିବାର ସୁଯୋଗ ନପାଇ ଶେଷରେ ଗୋଟିଏ ଗୋଲ୍ ପଛରେ ରହି ପରାଜିତ ହୋଇଥିଲା । ସର୍ବାଧିକ ୧୨ ପଏଣ୍ଟ ସହ ଡ୍ରାଗନ୍ସ ଟେବୁଲରେ ପ୍ରଥମ ସ୍ଥାନରେ ରହିଛି । ସେହିପରି ୯ ପଏଣ୍ଟ ସହ ଟାଇଗର୍ସ ଦ୍ୱିତୀୟ, ୭ ପଏଣ୍ଟ ସହ କଳିଙ୍ଗ ଲାନସର୍ସ ତୃତୀୟ ଏବଂ ସୁରମା ହକି କ୍ଲବ ସମାନ ପଏଣ୍ଟ ପାଇ ଚତୁର୍ଥ ସ୍ଥାନରେ ରହିଛି ।
