ନୀଳଗିରି: ନୀଳଗିରି ଉପଖଣ୍ଡ ଔପଦା ଆଦିବାସୀ ଅଞ୍ଚଳରେ ଗୁଣି ଗାରେଡି ସନ୍ଦେହରେ ୩ ଜଣ ଙ୍କୁ ନିର୍ମମ ହତ୍ୟା ଘଟଣାରେ ଗିରଫଦାରୀ ସଂଖ୍ୟା ବଢିଛି। ପୂର୍ବରୁ ଅଭିଯୋଗରେ ୬ଜଣ ଗିରଫ ହୋଇ ଜେଲ ଯାଇ ସାରିଛନ୍ତି। ପୁଣି ଆଉ ୨ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରିଛି ପୋଲିସ। ବାଲେଶ୍ଵର ଜିଲ୍ଲା ଔପଦା ଥାନା ବଡ଼ପୋଖରୀ ରାଜସ୍ୱ ଗ୍ରାମର ବରପଦା ଆଦିବାସୀ ବସ୍ତି ଏବେ ପୁରୁଷ ଶୂନ୍ୟ ପାଲଟିଛି ।
ଏହି ମାମଲାରେ ୬ ଜଣ ଅଭିଯୁକ୍ତ କୋର୍ଟ ଚାଲାଣ ପରେ ଗତକାଲି ଜଣେ ନାଁ ବାଳକକୁ ଚାଲାଣ କରାଯାଇଥିଲା । ଏହି ଟ୍ରିପଲ ମର୍ଡର ଘଟଣାରେ ଶବ ବହି ଜଙ୍ଗଲରେ ଫିଙ୍ଗିବାରେ ସହଯୋଗ କରିଥିବା ସଞ୍ଜୟ ସିଂ(୩୭) ଓ ବନମାଳୀ ସିଂ(୨୪) କୁ ଆଜି ପୋଲିସ କୋର୍ଟ ଚାଲାଣ କରିଛି । ତେବେ ଜଣେ ନାଁ ବାଳକ କୁ ଲଗାଇ ମୋଟ ୯ ଜଣଙ୍କୁ କୋର୍ଟ ଚାଲାଣ କରାଯାଇ ସାରିଛି। ଔପଦା ଆଇଆଇସି ଶ୍ରବଣ କୁମାର ମହାରଣା ଏଭଳି ଏକ ହତ୍ୟାକାଣ୍ଡରେ ସମ୍ପୃକ୍ତ ଅଭିଯୁକ୍ତ ମାନଙ୍କୁ ଗିରଫ କରିବାରେ ସଫଳ ହୋଇଥିବା ଜଣାପଡିଛି।
