ସାଲେପୁର ୯/୧୦: ସାଲେପୁରରେ କଙ୍ଗାରୁ କୋର୍ଟ ଘଟଣାରେ ଆକ୍ସନ । ୫ ଜଣଙ୍କୁ ଉଠାଇ ନେଇଛି ପୋଲିସ । ଅଟକଙ୍କ ମଧ୍ୟରେ ଅଛନ୍ତି ୩ଜଣ ମହିଳା ଓ ୨ ପୁରୁଷ । ଘଟଣା ନଇଗୁଆଁ ଗାଁର ୱାର୍ଡ-୨ର । ଅଭିଯୋଗ ଅନୁସାରେ ମହିଳା ଜଣଙ୍କ ବାରମ୍ବାର ରାସ୍ତାରେ ମଳ ତ୍ୟାଗ କରୁଥିଲେ । ଯାହାକୁ ଗାଁ ଲୋକ ବାରମ୍ବାର ବିରୋଧ କରୁଥିଲେ । ମହିଳାଙ୍କୁ ଏମିତି କାମ ନକରିବାକୁ ଚେତେଇ ଦେଇଥିଲେ ଗାଁ ଲୋକ । ହେଲେ ଲୋକଙ୍କ ବାରଣକୁ ମାନିନଥିଲେ ମହିଳା । ଏଥିରେ ଗାଁ ଲୋକ ଉତ୍ତ୍ୟକ୍ତ ହୋଇ ମହିଳାଙ୍କୁ ଶାସ୍ତି ଦେବାକୁ ଯୋଜନା କରିଥିଲେ । ଗାଁର କିଛି ମହିଳା ମିଶି ମନ୍ଦିରର ଏକ ଗ୍ରୀଲରେ ବାନ୍ଧି ଦେଇଥିଲେ । ଯାହାର ଭିଡିଓ ଭାଇରାଲ ହୋଇଥିଲା । ଅଭିଯୋଗ ଆଧାରରେ ସାଲେପୁର ପୋଲିସ ୫ ଜଣଙ୍କୁ ଅଟକ ରଖି ପଚରାଉଚରା କରୁଛି ।