ଭୁବନେଶ୍ବର ୨୪।୬: ଶ୍ରୀମନ୍ଦିର ରତ୍ନଭଣ୍ଡାର ନିଶ୍ଚିତ ଖୋଲାଯିବ ବୋଲି କହିଲେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ଖୁବ୍ ଶୀଘ୍ର ରତ୍ନଭଣ୍ଡାର ଖୋଲାଯାଇ ଗଣତି ଓ ମଣତି କରାଯିବ । ଏଥିପାଇଁ ଯାହା ପ୍ରକ୍ରିୟା ରହିଛି ତାହା କରାଯାଉଛି ବୋଲି ମନ୍ତ୍ରୀ କହିଛନ୍ତି ।
ସେ କହିଛନ୍ତି, ୩ଟି ବିଭାଗର କାର୍ଯ୍ୟ ବାବଦରେ ଆଲୋଚନା ହୋଇଛି । ବିକାଶ ଲୋକଙ୍କ ପାଖରେ ପହଞ୍ଚାଇବା, ସଂସ୍କୃତି ରକ୍ଷା କରିବା, ରାଜ୍ୟକୁ ଆଗକୁ ନେବାର ଦାଇତ୍ୱକୁ କେମିତି ଠିକ୍ ଭାବେ ପାଳନ କରିବୁ ସେ ବାବଦରେ ଆଲୋଚନା ହୋଇଛି । ଅନେକ କାମ ପଛରେ ରହିଛି । ସେସବୁକୁ ଆଗକୁ ନେବାକୁ ଚେଷ୍ଟା ଚାଲିଛି । ଜୁଲାଇ ୩୧ ସୁଦ୍ଧା କୋର୍ଟ କମ୍ପ୍ଲେକ୍ସ ପାଇଁ ନିଷ୍ପତ୍ତି ଥିଲା । ତାହାକୁ ତ୍ୱରାନ୍ୱିତ କରିବା ପାଇଁ ଆଲୋଚନା ହୋଇଛି । ଶହେ ଦିନର ଏଜେଣ୍ଡା, ବ୍ଲୁ ପ୍ରିଣ୍ଟ ପ୍ରସ୍ତୁତ ହେଉଛି । ରତ୍ନଭଣ୍ଡାର ବାବଦରେ ସରକାର ନିଷ୍ପତ୍ତି ନେବା ଆରମ୍ଭ କରିଛନ୍ତି । କେଉଁ ଦିନ ଖୋଲାଯିବ ତାର ସ୍ପଷ୍ଟ ଚିତ୍ର ଦେଇଦେବୁ । କିନ୍ତୁ ରତ୍ନଭଣ୍ଡାର ଖୋଲିବା ସ୍ଥିର ବୋଲି ଆଇନ ମନ୍ତ୍ରୀ କହିଛନ୍ତି ।
You Can Read :
ଖାଉଟିଙ୍କୁ ହଇରାଣ କଲେ କାର୍ଯ୍ୟାନୁଷ୍ଠାନ ନିଆଯିବ, ପ୍ରତି ବ୍ଲକରେ ହେବ କୋଲ୍ଡ ଷ୍ଟୋର : ଖାଦ୍ୟ ଯୋଗାଣ ମନ୍ତ୍ରୀ