ବାଙ୍କୀ ୦୩/୦୭ : ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିଲା ବିଦେଶୀ କିଙ୍ଗ ଫିସର ମଦ ବୋଝେଇ ଦଶ ଚକିଆ ଗାଡି । ଅଳ୍ପକେ ବର୍ତ୍ତିଲା ଡ୍ରାଇଭର ଓ ହେଲ୍ପର । ଏଭଳି ଘଟଣା ଦେଖିବାକୁ ମିଳିଛି ବାଙ୍କୀ ଥାନା ହରିହର ଭେଟ୍ ଛକ ନିକଟରେ । ପରେ ଅନ୍ୟ ଏକ ଗାଡିକୁ ମଦ ପେଟି ଗୁଡିକୁ ସ୍ଥାନୀୟ ଲୋକଙ୍କ ସାହାଯ୍ୟରେ ଦୁର୍ଘଟଣା ଗ୍ରସ୍ତ ଗାଡିରୁ ଅନ୍ଲୋଡ଼ କରାଯାଇ ଲୋଡ଼ କରାଯାଉଛି ।
ମଦ ବୋଝେଇ ଗାଡିଟି ଅନୁଗୁଳ ଜିଲ୍ଲାରୁ ଖୋର୍ଦ୍ଧା ମଦଡିପୋକୁ ଯାଉଥିବା ବେଳେ ଓଲଟି ପଡିଥିଲା ବାଙ୍କୀବଜାର ଠାରୁ ଅଳ୍ପ ଦୂର ହରିହର ଭେଟ ଠାରେ । ବର୍ଷା ଯୋଗୁଁ ରାସ୍ତା ଦବିଯିବା କାରଣ ହେଉ ବା ଅନ୍ୟ କୌଣସି କାରଣରୁ ଆଜି ଏଭଳି ଘଟଣା ଦେଖିବାକୁ ମିଳିଛି । ଘଟଣା ସ୍ଥଳେ ପହଁଚିଛି ବାଙ୍କୀ ପୋଲିସ । ଉଦ୍ଧାର କାର୍ଯ୍ୟ ଚାଲିଛି ପରେ ଖୋର୍ଦ୍ଧା ଡିପୋକୁ ଯିବ ବୋଲି ବାଙ୍କୀ ଅବକାରୀ ଅଧିକାରୀଙ୍କ ସୂଚନା ।
