କେନ୍ଦୁଝର ୨୩।୧୧: ପ୍ରଚଣ୍ଡ ଶବ୍ଦରେ ଥରି ଉଠିଲା ଅଞ୍ଚଳ । ଛାନିଆ ହୋଇଗଲେ ଲୋକେ । ଭୟରେ ଘରୁ ବାହାରି ଆସିଲେ । ଏଭଳି ଘଟଣା କେନ୍ଦୁଝର ଜିଲ୍ଲା ପାଟଣା ଅଞ୍ଚଳରେ ଘଟିଛି ।

ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲାର ବିଭିନ୍ନ ଅଞ୍ଚଳରେ ପ୍ରାୟ ଦିନ ୧୧ଟା ସମୟରେ ବିସ୍ଫୋରଣ ଭଳି ପ୍ରଚଣ୍ଡ ଶବ୍ଦ ଅନୁଭୂତ ହୋଇଛି । କିଛି ସମୟ ବ୍ୟବଧାନ ମଧ୍ୟରେ ଦୁଇ ଦୁଇ ଥର ପ୍ରଚଣ୍ଡ ଶବ୍ଦ ହେବା ପରେ  ଘର ଦ୍ୱାର ଥରିବା ସହ କବାଟ-ଝରକା ଆଦି ଥରି ଉଠିଥିଲା । ଶବ୍ଦର କାରଣ ଅସ୍ପଷ୍ଟ ଥିବା ବେଳେ ମୃଦୁ ଭୂକମ୍ପ ଭଳି ଅନୁଭୂତ ହୋଇଥିଲା । ପ୍ରଚଣ୍ଡ ଶବ୍ଦ ସହ ଘରଦ୍ୱାର ଥରିବା କାରଣରୁ ଲୋକେ ଘରୁ ବାହାରି ଆସିବା ସହ ଭୟଭୀତ ହୋଇ ପଡିଛନ୍ତି । ପ୍ରଚଣ୍ଡ ଶବ୍ଦର କାରଣ ଅସ୍ପଷ୍ଟ ଥିବା ବେଳେ ସୁପର ସୋନିକ ଯୋଗୁଁ ଏପରି ପ୍ରଚଣ୍ଡ ଶବ୍ଦ ହେଉଥିବା ପ୍ରତିରକ୍ଷା ବିଶେଷଜ୍ଞ ପୂର୍ବତନ ବାୟୁସେନା ଅଧିକାରୀ ନାରାୟଣ ସାହୁ କହିଛନ୍ତି ।

You Can Read:

ମିଲରଙ୍କୁ ଯୋଗାଣ ମନ୍ତ୍ରୀଙ୍କ ଚେତାବନୀ, ମଣ୍ଡି ବ୍ୟତୀତ ବାହାରେ ଧାନ କିଣିଲେ ହେବ କଡା ଆକ୍ସନ