ଉଦଳା ୧୨।୮: ପଛରୁ ଆସିଲେ ହାତରେ ବଡ ଭୁଜାଲି ଧରି ହାଣିଲେ । ଆଉ ମୁଣ୍ଡରେ ହେଲମେଟ୍ ଥିବାରୁ ଅଳ୍ପକେ ଅଧ୍ୟାପକଙ୍କ ଜୀବନ ବଞ୍ଚିଗଲା । ମୟୁରଭଞ୍ଜ ଜିଲ୍ଲା କପ୍ତିପଦା ଥାନା କୁକୁରଡିମା ଛକ ନିକଟରେ ଏଭଳି ଘଟଣା ଘଟିଛି ।
ସୂଚନାଯୋଗ୍ୟ ଯେ, ମୟୁରଭଞ୍ଜ କପ୍ତିପଦା ଥାନା ନୁଦଡିହା ମେଘାସନ ମହାବିଦ୍ୟାଳୟ ଯୁକ୍ତ ୩ ଗଣିତ ବିଭାଗର ଅଧ୍ୟାପକ ରୂପେଶ କୁମାର ମହାପାତ୍ର ସବୁଦିନ ଭଳି ସୋମବାର ମଧ୍ୟ କଲେଜ ଯାଉଥିଲେ । ବାଇକରେ ଯାଉଥିବା ବେଳେ କୁକୁରଡିମା ଛକ ନିକଟରେ ଦୁଇ ଜଣ ଯୁବକ ପଛ ପାଖରୁ ବାଇକରେ ଆସି ଏକ ବଡ ଭୁଜାଲିରେ ତାଙ୍କ ମୁଣ୍ଡକୁ ହାଣିଥିଲେ । ଅଧ୍ୟାପକ ରୂପେଶ ହେଲମେଟ୍ ପିନ୍ଧିଥିବାରୁ ଭୁଜାଲି ଚୋଟ ହେଲମେଟ୍ରେ ବାଜିଥିବା ବେଳେ ଅଳ୍ପକେ ବର୍ତ୍ତି ଯାଇଥିଲେ ରୂପେଶ । ହେଲେ ଦୁଇ ଦପର୍ବୃତ୍ତ ପୁଣି ଭୁଜାଲିରେ ତାଙ୍କୁ ହାଣିଥିବା ବେଳେ ତାଙ୍କ କାନ୍ଧରେ ଗୁରୁତର କ୍ଷତ ହୋଇଥିଲା । ତାଙ୍କୁ ଆକ୍ରମଣ କରାଯାଉଥିବା ଜାଣି ରୂପେଶ ଘଟଣାସ୍ଥଳରୁ ଖସିଯିବାକୁ ଚେଷ୍ଟା କରୁଥିବା ବେଳେ ଦୁର୍ବୃତ୍ତମାନେ କିଛି ବାଟ ତାଙ୍କୁ ଗୋଡାଇଥିଲେ । ସେ ନିକଟସ୍ଥ ଗାଁ ଭିତରକୁ ପଶିଯିବାରୁ ଦୁର୍ବୃତ୍ତମାନେ ସେଠାରୁ ଖସି ଚାଲିଯାଇଥିଲେ । ତେବେ କେଉଁ କାରଣରୁ ବିଚ୍ ରାସ୍ତାରେ ଜଣେ ଅଧ୍ୟାପକଙ୍କୁ ଏପରି ଦୁଇ ଜଣ ଦୁର୍ବୃତ୍ତ ହାଣିଲେ ତାର ଖୋଳତାଡ କରୁଛି ପୋଲିସ ।
You Can Read:
ଅଙ୍ଗନଓ୍ବାଡୀ କର୍ମୀଙ୍କୁ ଦୁର୍ବୃତ୍ତଙ୍କ ଆକ୍ରମଣ, ରାସ୍ତାରେ ପଡିଛି ଗାଡି
