ୱାସିଂଟନ ୧୯।୧: ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥଗ୍ରହଣ ଉତ୍ସବ ପୂର୍ବରୁ ୱାସିଂଟନ ଡିସିରେ ଅନୁଷ୍ଠିତ ଡିନରରେ ରିଲାଏନ୍ସ ଇଣ୍ଡଷ୍ଟ୍ରିଜର ଚେୟାରମ୍ୟାନ ମୁକେଶ ଅମ୍ବାନୀ ଓ ରିଲାଏନ୍ସ ଫାଉଣ୍ଡେସନ ଚେୟାରପର୍ସନ ନୀତା ଅମ୍ବାନୀ ଯୋଗ ଦେଇଛନ୍ତି। ଏହି ଖାସ ଅବସରରେ ବିଶ୍ୱର ଅନେକ ନାମୀଦାମୀ ଇଣ୍ଡଷ୍ଟ୍ରିଆଲିଷ୍ଟ, ବୈଶ୍ୱିକ ବ୍ୟାପର ଜଗତର ଲୋକେ ଓ ଟ୍ରମ୍ପ କ୍ୟାବିନେଟର ନାମିତ ସଦସ୍ୟ ମଧ୍ୟ ଉପସ୍ଥିତ ଥିଲେ।
ଟ୍ରମ୍ପଙ୍କ ଡିନରରେ ଅମ୍ବାନୀ ପରିବାରଙ୍କୁ ଅନ୍ୟ ଭାରତୀୟ ଉଦ୍ୟୋଗୀ ଯେପରି ଏମଥ୍ରୀଏମ ଡେଭଲପର୍ସର ପ୍ରବନ୍ଧ ନିର୍ଦ୍ଦେଶକ ପଙ୍କଜ ବଂସଲ ଓ ଟ୍ରେବିକା ଡେଭଲପର୍ସର ସଂସ୍ଥାପକ କଳ୍ପେଶ ମେହେଟ୍ଟାଙ୍କ ସହିତ ଦେଖାଯାଇଛି। କଳ୍ପେଶ ଭାରତରେ ଟ୍ରମ୍ପ ଟାୱାର ନିର୍ମାଣରେ ଜଣେ ମୁଖ୍ୟ ଅଂଶୀଦାରଥିଲେ। ଏହି ଅବସରରେ ମୁକେଶ ଅମ୍ବାନୀଙ୍କୁ କଳାରଙ୍ଗର ସୁଟରେ ଦେଖାଯାଇଥିବା ବେଳେ ନୀତା ଅମ୍ବାନୀଙ୍କୁ ସିଲ୍କ ସାଢୀ ଓ ଲମ୍ବା ଓଭରକୋଟରେ ଦେଖାଯାଇଛି। ଏହି ଆୟୋଜନରେ ଆମାଜନ ଡଟକମର ସଂସ୍ଥାପକ ଜେଫ ବେଜୋସ, ମେଟାର ମୁଖ୍ୟ କାର୍ଯ୍ୟକାରୀ ମାର୍କ ଜୁକରବର୍ଗଙ୍କୁ ମଧ୍ୟ ଦେଖାଯାଇଛି।
ରିପୋର୍ଟ ଅନୁସାରେ ଅମ୍ବାନୀ ପରିବାରକୁ ଡୋନାଲ୍ଡ ଟ୍ରମ୍ପଙ୍କ ଶପଥଗ୍ରହଣ ଉତ୍ସବର ଗୋଟିଏ ରାତି ପୂର୍ବରୁ ଆୟୋଜିତ ‘କ୍ୟେଣ୍ଡେଲଲାଇଟ ଡିନର’ ନିମନ୍ତେ ସ୍ୱତନ୍ତ୍ର ନିମନ୍ତ୍ରଣ କରାଯାଇଥିଲା। ଏହି କାର୍ଯ୍ୟକ୍ରମରେ ଟ୍ରମ୍ପଙ୍କ ସହିତ ତାଙ୍କ ମିତ୍ର ମଣ୍ଡଳି ଓ ପରିବାର ସଦସ୍ୟ ମଧ୍ୟ ମହଜୁଦ ଥିଲେ। ଟ୍ରମ୍ପଙ୍କ ଶପଥଗ୍ରହଣ ଉତ୍ସବ ପରେ ଅମ୍ବାନୀ ପରିବାର ରିପବ୍ଲିକାନ ମେଗା ଡୋନର ମିରିୟମ ଏଡେଲସନ ଓ ମେଟା ସିଇଓ ମାର୍କ ଜୁକରବର୍ଗଙ୍କ ଦ୍ୱାରା ଆୟୋଜିତ ବ୍ଲାକ୍-ଟାଇ ରିସେପସନରେ ମଧ୍ୟ ସାମିଲ ହେବେ। ଏହି ଆୟୋଜନରେ ବିଶ୍ୱର ପ୍ରଭାବଶାଳୀ ନେତା ଓ ବ୍ୟାପାର ଜଗତ ଦିଗ୍ଗଜଙ୍କୁ ଦେଖାଯାଇ ପାରିବ।
