କରଞ୍ଜିଆ ୦୯।୧୧ : ଅଲୋଡା ହେଲା ଶିଶୁକନ୍ୟା । ମୟୁରଭଞ୍ଜ ଜିଲ୍ଲା କରଞ୍ଜିଆ ଭଅଁରା ଗାଁର ଏକ ବୁଦାମୂଳରୁ ଶିଶୁ କନ୍ୟାକୁ ଉଦ୍ଧାର କରିଛନ୍ତି ସ୍ଥାନୀୟ ଲୋକେ । ଏହାପରେ ଉକ୍ତ ଶିଶୁକୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, ମୟୂରଭଞ୍ଜ ଜିଲ୍ଲା କରଞ୍ଜିଆ ଭଅଁରା ଗାଁରେ ବୁଦାମୂଳରୁ ଏକ ଶିଶୁ କନ୍ୟାଟି ପଡିଥିବାର ଦେଖିଥିଲେ ସ୍ଥାନୀୟ ଲୋକ। ଏହା ଦେଖି ତୁରନ୍ତ ସ୍ଥାନୀୟ ଲୋକ ୧୦୮ ଆମ୍ବୁଲାନ୍ସକୁ ଫୋନ୍ କରିଥିଲେ । ଶିଶୁଟିକୁ ଉଦ୍ଧାର କରିଥିଲେ ଗ୍ରାମବାସୀ । ତେବେ ଫୋନ୍ କରିବାର କିଛି ସମୟ ପରେ ଆମ୍ବୁଲାନ୍ସଟି ଘଟଣାସ୍ଥଳରେ ଆସି ପହଞ୍ଚିଥିଲା । ଆଉ ଉଦ୍ଧାର ଶିଶୁକୁ ଆମ୍ବୁଲାନ୍ସ ଯୋଗେ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଶିଶୁର ଅବସ୍ଥା ଗୁରୁତର ଥିବାକୁ ତାକୁ SNCU ରେ ଭର୍ତ୍ତି କରାଯାଇଛି ।
