ଭୁବନେଶ୍ୱର ୧୩।୧୦ : ଅପରେସନ ଶୈଶବ । କମିଶନରେଟ୍ ପୋଲିସ ପକ୍ଷରୁ ଆରମ୍ଭ ହେବାକୁ ଯାଉଛି ଅପରେସନ ଶୈଶବ । ରବିବାର ବରମୁଣ୍ଡା ପଡିଆରୁ ଆରମ୍ଭ ହେବ ଏହି କାର୍ଯ୍ୟକ୍ରମ ।
ଖବର ଅନୁଯାୟୀ, ଟ୍ୱିନ୍ ସିଟି ଅଞ୍ଚଳରେ ହଜିଯାଉଥିବା ଶିଶୁଙ୍କୁ ଠାବ ପାଇଁ କମିଶନରେଟ୍ ପୋଲିସ ପକ୍ଷରୁ ଆରମ୍ଭ ହେବାକୁ ଯାଉଛି ଶୈଶବ । ରବିବାର ବରମୁଣ୍ଡା ରାବଣ ପୋଡି ପଡିଆରେ ସଂଧ୍ୟା ୭ଟା ସମୟରେ ଏହି କାର୍ଯ୍ୟକ୍ରମର ଶୁଭାରମ୍ଭ ହେବାକୁ ଯାଉଛି । ଯେଉଁଥିରେ ପୋଲିସ କମିଶନର ସୁରେଶ ଦେବଦତ୍ତ ସିଂହ, ଭୁବନେଶ୍ୱର ଡିସିପି ପିନାକ ମିଶ୍ରଙ୍କ ସହ ବହୁ ବରିଷ୍ଠ ଅଧିକାରୀ ଯୋଗ ଦେବେ । ଏହି ଅପରେସନ ଦ୍ୱାରା ପୋଲିସ ହଜିଯାଇଥିବା ଶିଶୁ ସମ୍ବନ୍ଧୀୟ ସେବାକୁ ଉନ୍ନତମାନରେ ଯୋଗାଇପାରିବ ନେଇ ଲକ୍ଷ୍ୟ ରହିଛି l
