ପୋର୍ଟ ବ୍ଲେୟାର: ପୋର୍ଟ ବ୍ଲେୟାରରେ ଉଦଘାଟନ୍ ହେଲା ବୀର ସାବରକର ଇଣ୍ଟର ନ୍ୟାସନାଲ ଏୟାରପୋର୍ଟର ନୂଆ ଟର୍ମିନାଲ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସି ମାଧ୍ୟମରେ ଏହାକୁ ଲୋକାର୍ପିତ କରିଛନ୍ତି । ଏହି କାର୍ଯ୍ୟକ୍ରମରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରଆଦିତ୍ୟ ସିନ୍ଧିଆ ସାମିଲ ହୋଇଥିଲେ । ଏହି ଉଦଘାନ ସମାରୋହରେ ପିଏମ୍ ମୋଦି ଦେଶବାସୀଙ୍କୁ ସମ୍ବୋଧିତ କରିବା ସହିତ ବିଜେପି ବିରୋଧୀ ମାହମେଳିକୁ ଟାର୍ଗେଟ୍ କରିଥିଲେ । ଦେଶ ଭିତରେ ଜାତିବାଦର ବିଷ ବିକ୍ରି ହେଉଛି । ଏମାନେ ବେଙ୍ଗାଳୁରୁରେ ଏକାଠି ହୋଇ ଏହି କାର୍ଯ୍ୟ କରୁଛନ୍ତି ।
wp:html/wp:html#WATCH | PM Narendra Modi takes a swipe at the Opposition; says, "...Today, people of the country have already decided to bring us back in 2024. So, people who are responsible for the plight of India have opened their shops...24 ke liye 26 hone waale rajnaitik dalon par ye bada… pic.twitter.com/UewufX8MQJ
— ANI (@ANI) July 18, 2023
ଏହାଛଡ଼ା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିରୋଧୀଙ୍କ ବୈଠକ ଟାର୍ଗେଟ୍ କରି କହିଛନ୍ତି, ପରିବାଦର କଟ୍ଟର ସମର୍ଥକ ଏକତ୍ରୀତ ହୋଇଛନ୍ତି । ଏହା ଭ୍ରଷ୍ଟାଚାର ସମ୍ମିଳନୀ । ଏମାନେ ପରିବାର ପାଇଁ ଭ୍ରଷ୍ଟାଚାରକୁ ବଢାଇବାରେ ଲାଗିପଡ଼ିଛନ୍ତି । କିଛି ବିରୋଧୀ ନେତା ଏହାର ଦୋକାନ ମଧ୍ୟ ଖୋଲିଛନ୍ତି । ଏହା ସହିତ ପିଏମ୍ କହିଛନ୍ତି, ପୂର୍ବ ସରକାର ୯ ବର୍ଷରେ ଆଣ୍ଡାମାନ ନିକୋବରକୁ ୨୩ ହଜାର କୋଟିର ବଜେଟ୍ ଅନୁମୋଦନ କରିଥିଲା । ହେଲେ ବିଜେପି ସରକାର ସମୟରେ ଆଣ୍ଡାମାନ ନିକୋବରର ବିକାଶ ପାଇଁ ୪୮ ହଜାର କୋଟି ଟଙ୍କା ବଜେଟ୍ ଅନୁମୋଦନ କରିଯାଇଛି ।
wp:html/wp:html#WATCH | PM Narendra Modi takes a swipe at the Opposition; says, "...Today, people of the country have already decided to bring us back in 2024. So, people who are responsible for the plight of India have opened their shops...24 ke liye 26 hone waale rajnaitik dalon par ye bada… pic.twitter.com/UewufX8MQJ
— ANI (@ANI) July 18, 2023
ସେହିପରି ପୂର୍ବ ସରକାର ଅଣ୍ଡାମାନ ନିକୋବରରେ ମାତ୍ର ୨୮ ହଜାର ଘରକୁ ପାନୀୟ ଜଳ ସଂଯୋଗ କରିଥିଲା । ହେଲେ ବିଜେପି ସରକାର ଏଥିରେ ଆଗରେ ରହିଛି । ଗତ କିଛି ବର୍ଷରେ ୫୦ ହଜାର ଘରକୁ ପାନୀୟ ଜଳ ସଂଯୋଗ କରାଯାଇଛି । ଏହାଛଡ଼ା ପ୍ରଧାନମନ୍ତ୍ରୀ ଇତିହାସକୁ ଦୋହରାଇଛନ୍ତି । ଲାଲାକିଲାରେ ତ୍ରିରଙ୍ଗା ଉଡ଼ିବା ପୂର୍ବରୁ ଆଣ୍ଡାମାନ ନିକୋବରରେ ପ୍ରଥମେ ତ୍ରିରଙ୍ଗା ପତାକା ଉଡ଼ାଯାଇଥିଲା । ଆମେ ଦ୍ବୀପ ନାଁ ପରିବର୍ତ୍ତନ କରି ଗୋଲାମୀର ଢଞ୍ଚାକୁ ବଦଳାଇଛୁ । ଲୋକତନ୍ତ୍ର, ଲୋକଙ୍କର, ଲୋକମାନଙ୍କ ଦ୍ବାରା ଏବଂ ଲୋକଙ୍କ ପାଇଁ। ହେଲେ ପରିବାରବାଦ ରାଜନୀତି ପରିବାରର, ପରିବାର ଦ୍ବାରା ଓ ପରିବାର ପାଇଁ । ପ୍ରଥମେ ପରିବାର ଓ ପରେ ରାଷ୍ଟ୍ରବାଦ ବୋଲି ପିଏମ୍ ମୋଦି ବିରୋଧୀଙ୍କୁ ଟାର୍ଗେଟ୍ କରି କହିଛନ୍ତି ।
