କରଞ୍ଜିଆ ୧୨।୬: କରଞ୍ଜିଆ ସବ୍ ଜେଲ୍ରୁ କଏଦୀ ଫେରାର । ଠାକୁରମୁଣ୍ଡା ଥାନାର ଏକ ହତ୍ୟା ଅପରାଧରେ ଆଜୀବନ ସଜ୍ଜା କାଟୁଥିବା କଏଦୀ ଲକ୍ଷ୍ମଣ ମହାନ୍ତ ଫେରାର ହୋଇଯାଇଛି । କରଞ୍ଜିଆ ଜେଲର ଛୁଟିରେ ରହିଥିବା ବେଳେ ସବ୍ ଜେଲର ଏ ନେଇ କରଞ୍ଜିଆ ଥାନରେ ଏକ ଲିଖିତ ଅଭିଯୋଗ କରିଛନ୍ତି ।
ତେବେ ଏହି ଜେଲ୍ରୁ କଏଦୀ ଫେରାର ଘଟଣା କିଛି ନୂଆ କଥା ନୁହେଁ । ଗତ ୨୦୧୯ ମସିହା ଜୁନ୍ ମାସ ୧୬ ତାରିଖରେ ଆଜୀବନ ସଜ୍ଜା କାଟୁଥିବା ଭଗବାନ ଟୁଡୁ ନାମକ ଜଣେ କଏଦୀ ଫେରାର ହୋଇଯାଇଥିଲା । ପରେ ତତ୍କାଳୀନ ଜେଲର ଏକ ଜେଲ୍ ୱାର୍ଡରଙ୍କୁ ଦୋଷ ଲଦି ଦେବା ଫଳରେ ଜନୈକ ଜେଲ୍ ୱାର୍ଡର ନିନ୍ଦା ସହିନପାରି ଆତ୍ମହତ୍ୟା କରିଦେବା ଘଟଣା ସେତେବେଳେ କରଞ୍ଜିଆ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଥିଲା । ବାରମ୍ବାର ଏନେଇ ଖବର ପ୍ରସାରଣ ପରେ ତତ୍କାଳୀନ ଜେଲରଙ୍କୁ ସରକାର ନିଲମ୍ବିତ କରିଥିଲେ । ଏବେ ଜେଲର ଛୁଟିରେ ଥିବାବେଳେ ଜଣେ ଆଜୀବନ ସଜ୍ଜା କାଟୁଥିବା କଏଦୀ ଫେରାର ଘଟଣାରେ କ’ଣ କାର୍ଯ୍ୟାନୁଷ୍ଠାନ ହେଉଛି ତାହା ଦେଖିବାବାକି ରହିଛି ।
You Can Read :
ଓଡିଶାକୁ ମିଳିବ ନୂଆ ସରକାର, ମୁଖ୍ୟମନ୍ତ୍ରୀ ଭାବେ ଶପଥ ନେବେ ମୋହନ ମାଝୀ : କଡା ସୁରକ୍ଷା ବଳୟରେ ଜନତା ମଇଦାନ
