ଲମତାପୁଟ ୫।୧୧: ସ୍ଵାମୀକୁ ଗଛରେ ବାନ୍ଧି ସ୍ତ୍ରୀକୁ ହତ୍ୟା ଘଟଣାର ୨୪ ଘଣ୍ଟା ନ ପୁରୁଣୁ ନନ୍ଦପୁର ପୋଲିସ ଖୋଲିଲା ଗୁମର । ଘରୋଇ କଳହକୁ କେନ୍ଦ୍ରକରି ସ୍ୱାମୀ ରଚିଥିଲା ଷଡଯନ୍ତ୍ର l ପ୍ରଥମ ତଦନ୍ତରୁ ଜଣାପଡିଛି ଯେ, ମୁଖ୍ୟ ଅଭିଯୁକ୍ତ ସ୍ୱାମୀ ମହେନ୍ଦ୍ର ଖରାଙ୍କ ସହ ଦୁଇ ସହଯୋଗୀ ଦୁଇ ସାଙ୍ଗ ମାଳି ଖୁଡିବି ଗ୍ରାମର ମହେଶ ମାଲି ଏବଂ ସୋମନାଥ ଭୋଇ ସାମିଲ ଥିଲେ । ଏମାନେ ୮ ଦିନ ପୂର୍ବରୁ ପତ୍ନୀଙ୍କୁ ହତ୍ୟା କରିବା ଯୋଜନା କରିଥିଲେ l ସୋମବାର ହତ୍ୟା କରିବା ପରେ ଲୁଟ୍ର ଅଭିନୟ କରି ନିଜକୁ ଗଛରେ ବାନ୍ଧି ଘଟଣାକୁ ଚାପିଦେବା ଯୋଜନା କରିଥିଲେ l ତେବେ ସବୁ ଯୋଜନାରେ ପୂର୍ଣ୍ଣଚ୍ଛେଦ ପକାଇଛି ପୋଲିସ । ଷଡଯନ୍ତ୍ରକାରୀ ସ୍ବାମୀକୁ ଗିରଫ କରିଛି ।
ସୂଚନାଯୋଗ୍ୟ ଯେ, ସୋମବାର ସକାଳେ ହରିଆ ମୁଣ୍ଡା ଗ୍ରାମର ମହେନ୍ଦ୍ର ଖରା ଓ ସ୍ତ୍ରୀ ସାବି ଖରା ଆଧାର କାର୍ଡ ଅପଡେଟ୍ କରିବା ପାଇଁ ନନ୍ଦପୁର ଯାଇ ସନ୍ଧ୍ୟା ୬ଟା ସମୟରେ ଘରକୁ ଫେରୁଥିଲେ l ଗ୍ରାମକୁ ପହଞ୍ଚିବାକୁ ମାତ୍ର ୨ କିଲୋମିଟର ରହିଥିବା ବେଳେ ଗ୍ରାମ ନିକଟ ଜଙ୍ଗଲରୁ ପାଞ୍ଚ ଜଣ ଦୁର୍ବୃତ୍ତ ହଠାତ ଠେଙ୍ଗାରେ ଆକ୍ରମଣ କରିଥିଲେ । ଆକ୍ରମଣରେ ସ୍ବାମୀ ତଳେ ପଡ଼ି ଅଚେତ ହୋଇ ଯାଇଥିଲେ । ଏହି ସମୟ ଭିତରେ ଦୁର୍ବୃତ୍ତ ମାନେ ମହେନ୍ଦ୍ରଙ୍କୁ ଏକ ଗଛରେ ବାନ୍ଧି ସ୍ତ୍ରୀ ସାବିଙ୍କୁ ହତ୍ୟାକରି ସମସ୍ତ ସୁନା ଗହଣା ଲୁଟି ଫେରାର ହୋଇ ଯାଇଥିଲେ । ନନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଥିଲା । ତଦନ୍ତ ପରେ ଷଡଯନ୍ତ୍ର ଘଟଣା ସାମ୍ନାକୁ ଆସିଛି ।
You Can Read:
ଖୋର୍ଦ୍ଧାରୁ ଜବତ ହେଲା ଧଳାଜହର, ଅଭିଯୁକ୍ତ ଗିରଫ
